Lospalos RCL VOX POPULY = Iniasitiva grupu komunitàriu iha Postu Administrtativu Lospalos nebe hari`i Còperativa Crèditu União Prosperidade ga CCUP , ne`e nudar Passu importante ida , hodi bele hakbi`it ekonomia iha rai laran , nune`e Estadu iha Papèl hodi promove .
Secretariu Estadu Coperativa SECOP Elizariu Fereira nebe Jornalista RCL hasoru hafoin partisipa iha serimonia Asembleia geral CCUP iha Polo Universitariu Lospalos tersa Feira ne`e hateten , Governu iha papel hodi promove no asegura koperativa nebe mak hari ona atu nune’e comunidade sira bele hakbi`it Ekonomia Su stentavel no moris diak iha moris loron-loron nian .
SECOP mos afirma , ho estabelesimentu Coperativa Creditu União Prosperidade iha komunidade nia le`et ne`e , Estadu iha Papèl hodi promove no Asegura liu husi Kapasitasaun nune`e , grupu koperativa ne`e bele moris ho sustenabilidade .
‘’ Koperativa ne’e hahu ho Inisiativa comunidade nian , Eestadu ninia papel atu promove , tamba koperativa hahu diak estadu ninia papel atu kapasita no asegura nnia sustentabilidade institusional ba estabilidade Finanseira no Estabilidade Economiku koperativa nian hodi asegura moris diak ga vida ekonomiku familia nian ga prosprieridade membrus sira nian atu nune’e bele kontribui ba dezenvolvimentu economia sosiedade ninian i liu-liu zjona lospalos Munisipio Lospalos ba economia Nasional,ida nemak papel importante husi koperativa ninia serbisu , no papel segundu hanesan creditu uniaun ne’e ga papel segundu oinsa mak atu fo asesu finanseiru ba ninia membru sira jere osan , kapitalija angota sira liu husi emprestimo ho jurus ida viavèl , atu nune’e bele kontribui ba actividade economia membru sira nian hodi produs efeitus ba vida economia familia nian ’’ Secretariu Estadu Coperativa SECOP Elizariu Fereira nebe Jornalista RCL hasoru hafoin partisipa iha serimonia Asembleia geral CCUP iha Polo Universitariu Lospalos tersa Feira ne`e.
Nia deklara , estadu sei kontinua fo apoiu ba grupu Coperativa Credito Uniaun Prosperiedade nebe inisia husi grupu komunitariu iha Lospalos , atu bele la`o nafatin ba oin iha futuru , ba grupu rasik no ba gerasaun oin mai .
‘’Hanesan hau hatete ona katak SECOP prontu atu reforsa sira iha inisiativa hakark atu hahu , tamba labele scop mak mai deit dudu fali o halo ba depois to’o ikus uma ne’e hotu tia sira namkari tia , Entaun ita lakon no dalan mak ne’e tenki sira mak hahu atu nune’e sira sente katak uma ne’e sira nian se lae ita hari tia uma no referensi barak no merkadu barak depois halo bibi mak toba no uma barak mak halo kuda ho karau mak hela fali iha laran entaun ida ne’e labele akontese iha sektor koperativa , tamba ida nemak inisiativa tenki mai husi membru sira para sira rasik sente katak uma ne’e mai husi sira nian’’. Deklara SECOP.
Iha sorin seluk Presidente Coperativa Credito Uniaun Prosperiedade , Domingus Xàvio Belo mos hateten , inisiu grupu koperativa hari`i iha Fulan Agostu tinan rihun Rua , Rua nolu resin Ida , ho membru na`in Sanolu resin lima (15) , maibe ba dada`un ne`e membru grupu aumenta to`o Walu nolu resin Lima (85) .
‘’ Fou-foun ne’e ami nain 15 deit hodi halibur ideia nomos ami mos hetan sensebilijasaun husi Robertu i ami buka malu duni i ami nain sanolu resin lima halibur ideia no Grupu ida fou-foun ne’e grupu kiik maibe ami hanoin oituan atu hari koperativa foun ne’e ami halo espòs ninia rejimentu nomos ninia statutu i hotu tia i ami halo duni iha loron 29 /08/2021 , ami komesa hari ona no membru sae ona ba vinti un nebe ohin ami to’o ona iha oitenta i un pesoas’’ informa Domingus .
Entertantu; husu nafatin ba komunidade sira hotu nebe mak involve ona iha Grupu refere tenki tau konsensia hodi hari Dame no paz atu nune’e Grupu Coperativa Credito Uniaun Prosperiedade ga CCUP ne’e bele lao ba oin nafatin no ba gerasaun foun sira nia Futuru .
Jornalista ; SiSi
Editor ; NP
