Lautém RCL VP 11/12/2023 = Servisu Munisípal Saúde (SMS) Munisípiu Lautém Segunda Feira ne`e , hala`o Atívidade Kampaña Integradu Promosaun no Edukasaun Saúde , ne`ebe hareé liu ba Nutrisaun ,Saúde Inan ho Oan , Prevensaun Moras Dengue , Tuberkoloze , Moras lá Hada`et , Assidente tráfiku no Vasinasaun ba Autoridade Komunitáriu nivel Suku no Aldeia , iha Salaun Administrasaun Postu Administrativu Lautém , Munisípiu Lautém.
Reprezentante Diretór SMS Munisípiu Lautém Alfredo Jorge iha Abertura ne`e hateten , Atu halo Prevene moras Kontazioju no la Kontaziozu ita rasik tengke Aplika iha Uma laran rasik , liu-liu ba Prevensaun Moras Degue , tamba Wainhira Ambiente uma nian lá Mós konvida Susuk , no husi Susuk mak hamosu Moras Dengue ida ne`e.
‘’ Kampaña Integradu Promosaun no Edukasaun Saúde , ne`ebe hareé liu ba Nutrisaun ,Saúde Inan ho Oan , Prevensaun Moras Dengue , Tuberkoloze , Moras lá Hada`et , Assidente tráfiku no Vasinasaun , ne`e Hola Parte ba Programa Advokasia no Desiminasaun ba Autoridade Komunitáriu nivel Suku no Aldeia sira , tamba ita nia Táxa Mortalidade no Morbilidade Aás , liu-liu Doensas Non Kontaziozu iha kampaña ida ne`e mós ita Enkáixa Assidente Tráfiku atu bele haklaken hikas ba Komunidade sira , maibe Antes ne`e ita rasik tengke Aplika hahu husi Uma laran , tamba Moras hirak ne`e hotu mosu , kauza husi ita ema nia hahalok , bazéia ba Moto Ministériu Saúde katak ‘’Ita nia Saúde iha Ita nia Liman Rasik’’ne`eduni ho Kampaña ida ne`e atu Konsensializa Komunidade tomak atu bele halo Prevensaun tamba Ema ida mesak sei la halo Prevensaun Saúde , nune`e ita tengki hamutuk nafatin.’’ Dehan Reprezentante Diretór SMS Munisípiu Lautém Alfredo Jorge iha Abertura Kampaña Integradu Promosaun no Edukasaun Saúde iha Salaun Administrasaun Postu Lautém Segunda Feira 11/12/2023.
Iha Fatin Hanesan , Komandante Esquarda Lautém Inspektór Polisi Muzino da Silva hateten , Agradese ba Ministériu Saúde , tamba bele fó biban ba Parte PNTL , Seksaun Tranzitu nian , atu bele Fahe Infórmasaun kona ba Moras ne`ebe iha relasaun ho Assidente Trafiku , ba Komunidade sira bele hatene Kauza husi Asidente Trafiku nian.
‘’Momentu ida ne`e hanesan Momentu ida ne`ebe Importante ba Parte PNTL , liu-liu Seksaun Trázitu no Rodoviariu sira , atu bele Fahe Informasaun kona Moras ne`ebe nia kauza mai husi Assidente Tráfiku , tamba dala barak assidente ne`e mosu waihira ema ida-idak laiha konsiensia hodi kontra Regra Tránzitu nian , Espera katak liu husi Informasaun kona ba Asidente Trafiku ne`e , sai hanesan Bukae ida ita hotu , atu bele Prevene no Minimiza iha Tempu oin mai , tamba ho Assidente Trafiku dala barak halo Ema kanek , Tohar no Mate.’’ Dehan Komandante Esquarda Lautém Inspektór Polisi Muzino da Silva
Entretantu; Atívidade Kampaña Integradu Promosaun no Edukasaun Saúde ne`e , partisipa husi Lider Komunitária husi Suku Sanolu (10) iha Postu Administrativu Lautém , Parte Religiozu no Entidades Relevante sira.
Jornalista ; CC
Editor;NP
