Lospalos 05/05/2022 RCL VOX POPULY = Moris ne`e todan , maibe ho esforsu , naroman sei mosu ita le`et , maske ho hikis kosar mesak , la hamate espiritu moris nian, vontade servì familia sei laiha rohan , maske moris mesak ho oan sira , maibe ida ne`e mak realidade moris iha planeta mundu nian.
Atu fo roman Oan sira , sei liu husi dezafiu , maibe dezafiu sei lahamate espiritu hodi sustenta moris rohan la`ek nian , moris nudar terminante maromak nia , maske kibi`it la`ek , maibe tenta nafatin la`o hodi buka roman ba futuru oan sira .
Dala wa`in feto iha pojisaun nùmeru segundu , no kbi`it la`ek , atu hakat hodi hikis nia kolen ba familia , maibe realidade moris , feto bele sai inan no sai aman iha familia , hodi sustenta familia wainhira parseiro mane husik ona sira .Ida ne`e mak realidade moris feto ida ho naran Odete Pinto,husi Posto Administrativu Iliomar Municipiu Lautèm ,ho dejemprego hodi responsabiliza oan na`in 3 , husi ki`ik to`o bo`ot , nungka tane liman ba ema seluk , maibe espiritu nafatin hodi sustenta oan sira nia moris lor-loron nian,ho vontade atu servisu saìda de`it .
Maske parseiro mane husik ona nia durante tinan barak , maibe feto ida husi knua Maluhira, moris mesak ho oan na`in 3 , esforsu nafatin hodi fo roman ba nia oan sira , tamba ho ideia brilante , kontinua buka osan liu husi servisu Soru ta`is , kliner no kujiña , maske servisu la permanente hodi sustenta nia oan sira ba dalan susesu.
‘’Momentu hau ho labarik sira nia papa devorsiu , hau mesak hau hare`e no sustenta hau nia oan sira , liu husi servisu soru ta`is ou servisu saida de`it mak hau bele halo hau buka serbisu nebe mak lahanesan ho ema nebe eskola nain,uluk ne’e kliner to’o kliner ne’e remata agora hau sai hanesan nudar kujiña no hau halo oinsa para osan ne’e iha , hau bele atende hau nia oan sira nia futuru,Momentu husik ona hau no hau labele patah semangat maibe hau tenki iha semangat nafatin ba hau nia moris , memang moris ne’e hanesan ne’e, maibe hau tenki agradese nafatin ba maromak , tamba nia mak fo duni nia mak kria buat hotu iha mundu ne’e , maibe hau tenki buka maski ida ne’e hau labele serbisu ho ida ne’e no ida ne’eba , maibe hau tenki halo duni ba hau nia oan sira para han hemu lor-loron nian , hau pasensia deit hodi buka serbisu nebe mak bele halo hau serbisu hau halo ida ne’e mak hau atende ba nia oan sira,hau atu hamrik ga monu ga hau nafatin iha kbit nafatin atu halo hau nia moris ne’e ba oin’’ hateten Odete Pintu tuir nia realidade moris .
Feto ho isin mutin ho idade Ha`at nolu resin Lima ne`e , sente fuan kanek ho moris mesak , rendimentu nebe la hanesan ho ema servisu funsionariu ,hodi sustenta oan sira iha familia , maibe esforsu nafatin hodi hala`o servisu saida de`it hodi haroman oan sira iha futuru .
‘’Hau sente hau nia fuan ne’e kanek liu tamba hau mesak selama hau nia oan sira moris mai ne’e nia vida laran ne’e hau atu halo oinsa para hau nia oan sira ne’e bele susesu,Osamentu la dun mendukug sira etaun hau halo oinsa para sira ne’e nafatin iha sira nia futuru ne’e ba oin nafatin,Faluk balun dehan katak mesak ne’e labele sustenta ba nia oan sira maibe ba hau bele hamrik saida mak hau halo bele responde ba hau nia an ba hau nia oan sira nia moris hau tenki halo oinsa para hau nia ona sira nia futuru ne’e labele tane liman ba ema seluk no hau nia hakark ne’e hau nia oan sira tenki susesu’’ Odete Esklarese .
Nudar feto tengki ho pansensia hodi simu realidade moris , tamba buat hotu hanesan kriasaun no planu maromak nian , feto nebe sai inan no sai mos aman ba oan na`in 3 iha falimia ida ne`e sempre hasoru dejafiu durante nia moris tomak , maibe ho maneira oin-oin , bele suporta oan sira hodi moris diak iha futuru.
‘’Hau husu ba hau nia kolega sira hanesan hau nudar feto faluk hotu ita pasensia tamba buat hotu kria maromak nian, antaun halo ho oinsa para ita bele buka servisu hodi atende ba ita nia moris lor-loron , ba ita nia oan sira nia futuru maibe hau nia oan nia nesesidade la sufisienta hau tenke halo kustura no halo buat seluk atu hetan osan hodi atende oan sira nia hakarak’’ Odete hateten.
Feto dejemprego ne`e mos hateten , maske ema barak mak laran monu hodi kuda domin ba nia , maibe to`o agora sida`uk iha hanoin atu hola tam mane , no sente katak oan na`in 3 mak nudar riku soin ida ba nia moris , maibe depende ba destinu maromak nian , tamba buat hotu tuir maromak nia planu .
‘’ Durante tinan barak nia laran , hau mesak mak hare`e hau nia oan , ida ne`e nudar dezafiu bo`ot ida , maibe ida ne`e mos la hamate hau nia Espiritu esforsu , no hau la pata semangat , maibe hau semangat nafatin maske terpukul , maibe hau nafatin husu Grasa Na`in maromak , hau nafatin forsa hodi hala`o hau nia servisu maske la`os ho osan bo`ot , maibe ida ne`e mak hau nia esforsu tomak hodi sustenta hau nia oan sira ’’
Nudar feto , tengki aprende tau a`an iha pojisaun nudar inan no aman iha familia ida , hodi hasoru moris nia moruk nebe sei mai , tamba destinu maromak mak hatene , moris maromak mak fo , presija agradese no horik wa`in ba nia .
Se`e mak sei responsabiliza feto dejemprego sira , nebe kbi`it la`ek iha planeta mundu ne`e ? ida ne`e nudar lian la`ek povu kbi`it la`ek nian hodi hetan atensaun husi ema ruma , nune`e bele hamosu roman ba feto sira nia moris ho prosperidade.
Jornalista ; SdC
Editor ; NP
