LOSPALOS RCL VOX POPULY =Durante fulan Janeiru to`o Abril tinan rihun rua, rua nolu resin ,rua ne’e, Cruz vermelha De Timor-Leste (CVTL) Filial Municipiu Lautem konsege apoiu sasan emergensia ba Vitima afetadu dezastre natural hanmutuk Uma kain walu iha Municipiu Lautem.
Kordenador CVTL filial Lautem Luis Manuel Pereira ba Jornalista Rcl iha nia Servisu Fatin Sexta feira ne’e hatete, tinan ida ne’e , CVTL Filial Lautem fasilita duni sasan emergensia ba komunidade sira ne’ebe afeitadu ba dezestre natural hamutuk uma kain walu iha Munuicipiu Lautem.
Nia haktuir, kategoria dezastre naturais ne’ebe afeita ba komunidade sira nia uma mak hanesan Anin estragus, ahi ha’an no rai halai.
“Cruz Vermelha de Timor-Leste Municipiu Lautem husi Janeiru to’o mai iha Abril ne’e ita responde ho emergensia ne’e hamutuk 8 ne’e halai liu ba Anin Estragus Uma, I seluk ne’e Ahi ha’an Uma no mos Rai halai,” dehan Luis Manuel Pereira ba Jornalista Rcl iha nia Servisu Fatin Sexta feira ne’e.
Luis Manuel mos akrecenta, iha aktividade ida ne’e Kruz Vermelha de Timor Leste filial Lautèm servisu hamutuk ho Protesaun civil Municipal nian,atende komunidade sira ne’ebe afeitadu ba dezastre Natural iha Municipiu Lautem.
“hau hanoin iha atendimentu ida ne’e laos Cvtl mesak deit maibe CVTL la’o ho equipa ida hamutuk ho komisaun gestaun Dezastre municipiu nian liu-liu portesaun civil sempre iha kolabarasaun hamutuk fo informasaun ba malu oinsa bele atende no mos halo asisimente ba komunidade sira ne’ebe afeita ba dezastre naturais,” nia haktuir.
Entertantu : CVTL filial Lautèm sei nafatin Servisu ho guvernu liu-liu portesaun Civil hodi bele ajuda komunidade sira ne’ebe afeita ba dezastre naturais iha municipiu ida ne’e.
Jornalista:ito
Editor:NP
