LOSPALOS RCL VOX POPULY = Comandante Bombeirus , Municipiu Lautèm tersa feira ne`e hateten , to`o agora Korpu Bombeiros Municipiu Lautem sei kontinua infrenta problema tansporte operasional , ho nune’e difikulta Servisu atendimentu komunidade iha Municipiu ida ne`e .
Komandante Korpu Bombeirus Municipiu Lautem, Nazario soares hateten tan , Korpu Bombeirus nebe nia komanda bà ne`e sente fasilidade Transporte la du`un sufisiente , tamba kareta operasaun nian ida de`it mak kobre ba fornesimentu be`e mos ba Komunidade no hala`o atuasaun ba Insediu ruma .
“ita nia kareta la suficiente tamba ita hare`e kuaze iha Lospalos laran ne’e ema hot-hotu presija Be’e maibe hanesan ita uza kareta ida ne’e 5 mil litros deit ne’e ita atu atende ba ema barak ne’e halo nunsa entaun la seguru ba ita nia komandu, mais to’o tempu ezemplu nia lori hela be’e ba komunidade sira maibe derepente ahi haan hela uma ida iha Fuiloro ou nia haan iha Merkadu central ne’e mos ita la halo buat ruma , tamba ne’e mak hau zere para atunune’e bele asegura hela situasaun sira ne’e akontece karik ita bele atende tuir Job ne’e bombeiros iha,” dehan Nazario soares ba jornalista RCL iha nia knaar fatin Tersa Feira 10/05/2022 ne’e.
Nia mos hateten tan , dadaun ne’e Corpu Bombeirus Municipiu Lautem Kontinua fornese Be’e mos ba komunidade sira ne’ebe presija tulun liu-liu ba ema Mate no Fatin Puliku sira.
“Ami nia atendimentu ba komunidade sira tuir nessesidade komunidade nian, maibe ami haree komunidade ne’e nessesidade duni kalae no mos ba fatin publiku sira hanesan foin dadauk ami fornese ba STAE tamba haree ba iha Presesu eleisaun prezidensial ne’ebe sira presija be’e atu tau iha fatin ne’ebe sira halo treinamentu entaun ida ne’e ami tau iha preoridade hanesan mos ba komunidade sira hanesan ema mate entaun ema akumula ona ema liu sanolu entaun ida ne’e nessesidade tebe-tebes atu hetan be’e mos,” nia informa.
Maske Infrenta Problema tansporte , maibe Korpu Bombeirus Municipiu Lautem , kontinua esforsu atu ajuda Komunidade iha situasaun saida de`it , tamba Korpu Bombeirus nudar instituisaun nebe hare`e liu ba Insediu no Dezastre sira seluk .
Jornalista ; Ito&sinta
Editor ; NP
