Saturday, June 22, 2024
spot_img
HomeFoto GaleriaComunidade Munisipio Lautem kontete ho Aniversario Restaurasaun Independesia Timor -Leste ba Tinan...

Comunidade Munisipio Lautem kontete ho Aniversario Restaurasaun Independesia Timor -Leste ba Tinan Ida nee

LOSPALOS  RCL VOX POPULY=Povu Municipio Lautem sente orgulhu no kontente ho loron Aniversariu Restaurasaun Independensia Timor Leste ba Dala Rua nolu ba Tinan Ida nee , Tamba Povu Selebra ho situasaun Hakmatek no Trankuiludade.
Administrador Postu Administrtivo Lore Carolinu da Silva ba Jornalista RCL Iha Postu Lore Hateten , loron Ida nee Nudar loron Importante ba Povu Lore , Tamba foin Dala Ida , Povu Selebra Loron Nasional Iha Nia rain rasik.
” Hau sente orguilu ho loron Ida nee , Tamba foin Primeira Vez Lore Oan Sira Selebra loron istoricu Ida nee Iha Nia rain rasik,Povu Lore Mos foin sente Serimonia Loron Nasional ba Tinan Ida nee Tamba Governu foin Reativa Rai Lore Sai Postu Ida , nunee Povu foin sente didiak celebrasaun Ida nee, maske foin Primeira Vez maibe Povu Sira hamutuk ho autoridade Sira organiza no Selebra ho Paz no Estabilidade, Tamba Povu sente katak, Festa Ida nee Nudar Festa Comunitario
Iha Fatin seluk Comunidade Iha Postu Administrtivu LospalosTomas Eli Timor sente katak, serimonia Ida nee nakonu ho kontiudu boot , tamba povo maubere iha vontade atu halo sermonia nebe diak ba tinan ida ne’e.
‘’Hau nia sentimentu ba loron Restaurasaun idependesia ba iha tinan ida ne’e furak teb-tebes mesmo que ita nia munisipio ladun partisipa tamba ita nia serimonia boot ne’e halo iha posto Luro mais hau hanoin ita hotu orgulho no kontete tamba mesmo serimonia simples maibe hot-hotu vontade povo maubere nian portantu ita partisipa ho kontete tamba ida ne’e mak ita hotu hakarak para tinan tinan ne’e bele komemora ba loron historiku sira ne’e para ita nia povo bele partisipa diak liu tan” Hateten Thomas Ely Timor Iha Fatin Serimonia 20 Maio Iha eis Kamapaun F-FDTL Sexta Feira nee.
Iha Fatin hanesan Chefi Suco Rasa Posto Administrativo Lospalos Munisipio Lautem Armindo Benezatu Hateten, nudar Lider Komunitariu Agradese ba maromak no ba Herois Da Patria hotu, tamba sira nia luta ohin ita bele komemora loron istoricu Ida nee.
‘’primeiro ita agradese ba maromaki agradese mos ba Herois Da Patria hotu ,tamba sira nia luta ohin ita bele komemora ou Restaura Aniversariu independensia ba dala 20 Ida ne’e i hau orgulho no kontete ohin mos loron importante ida iha nivel Nasional Dili sira halo Tomada pose hodi kalan hanesan ohin mos ita nia Presidente foun hanesan tinan tinan , ita agradese maibe ba tinan ida ne’e 20 maio ba tian ida ne’e ita agradese boot liu ba ita nia Presidente foun’’ Dehan Chefi Suco Rasa Posto Administrativo Lospalos Munisipio Lautem Armindo Benezatu

Reprejentate Universiade Timor Leste Fakuldade Sencias Sociais Departamentu Sencias Politiko Felis Berto Moniz Amaral, Serimonia Ida nee Ita relembra fali ita nia heroi sira no maun alin sira nebe mak mate tamba ukun Rasik an ba nia Rai Doben ida ne’e.

‘’Tuir hau nia hanoin mai ita nia intensaun mai iha fatin ida ne’e lembra fila fali momentu ita nia herois ita nia maun alin mate tamba ukun rasik an’
Hateten ONG Funero Lospalos Julina De Jesus mos hateten katak,Liu husi serimonia 20 de maio ida ne’e sente diak ba serimonia simples ida ne’e maske ho partisipasaun ladun masimo hodi partisipa ba eventu simples ida ne’e maibe serimonia ba loron ida ne’e lao ho diak.

‘’Hau hanoin konaba serimonia 20 de maio ne’e ita sente diak soke hau nia hare ba partisipasaun la dun masimo tamba tuir ita nia hare populasaun Posto Lospalos ne’e ema barak soke seidauk iha partisipasaun nebe karik ba oin ne’e ita bele fo informasaun no orienta i liu-liu ba estudante sira ne’e sira iha dever tenki partisipa ita nia serimonia ba 20 maio ida ne’e’’

Entertanto:Husu nafatin ba Povo Munisipio Lautem Tomak,ita nudar povo no Comunidade ne’e ita tenki iha sivilijasaun katak ita tenki Respeita ita nia loron Boot no bele partisipa serimonia ba ida ne’e hodi nune’e bele formalija serimonia ida ne’e ba oin atu nune’e serimonia kada tinan ne’e bele lao diak tan ba futuru no gerasaun foun sira.

JORNALISTA:SINTA&ERSY

EDITOR:NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x