POSTO LORE RCL VOX POPULY=Equipa Verifikador Conçelhu Combatetens Libertasaun Nasional ga CCLN , Segunda feira ne`e hala`o Prosesu Sosializasaun kona ba Lala`ok Verifikasaun dadus Combatentes nebe rezistradu iha tinan Rihun Rua Sia (2009) nian iha Sucu Lorè Segundu, Postu Administrativu Lorè , Municipiu Lautèm.
Reprezentante CCLN Nasional , Eugèniu da Costa Chançes Ribeiru Asumetan ba Jornalista sira iha Suco Lorè Segundu hateten , Objetivu husi Sosializasaun ida ne`e atu hato`o Informasaun ba Povu tomak kona ba lala`ok Verifikasaun iha Suco Lorè Segundu .
Asumetan mòs hateten , liu husi Sosilizasaun ida ne`e mòs atu loke hanoin ba Equipa CCLN nian , hodi hala`o servisu tuir giaun husi Comandu da Luta hatu`un.
‘’Hakarak informa katak , sosilizasaun nebe ami halo iha Sucu Lorè 2° ne`e ho objetivu Prinsipal mak , atu hato`o no fo hanoin ba Combatentes sira iha Lorè 2° kona ba lala`ok Verifikasaun nebe sei halo iha Suco ida ne`e , nune`e mos atu loke Equipa Verifikador CCLN nian , hodi bele servisu tuir Giaun Comandu da Luta nia , atu bele fo satisfasaun ba Benefisiariu sira iha Sucu Lorè ida ne`e.’’ Hateten Reprezentante CCLN Nasional , Eugèniu da Costa Chançes Ribeiru Asumetan ba Jornalista sira iha Suco Lorè Segundu , Segunda Feira 23/05/2022 ne`e.
Reprezentante CCLN Nasional ne`e mòs Informa , ba dada`un ne`e sei liu husi Sosializasaun , no sei kontinua ho Juramentu husi Equipa Nasional , Sucu no Municipiu inklui Sasin sira , hodi presta deklarasaun ba Servisu sira .
‘’ Prosesu Verifikasaun iha Sucu Lorè Segundu , ami hahu ho Sosializasaun loron ida , no kontinua kedan ho Juramentu nebe sei halo husi Equipa Verifikadòr husi Nasional , Municipiu Postu no Sucu , inklui Sasin sira atu nune`e bele servisu tuir saida mak sira dehan rasik liu husi Juramentu , no kada Benefisiariu sira mos sei tuir Prosesu Juramentu antes Verifika sira nia dadus , tamba ida ne`e nudar Giaun ida nebe hatu`ur ona iha Baze Legal husi Komandu sira ‘’ Informa Asumetan.
Entretantu , Equipa Verifikasaun dadus , sei hala`o sira nia servisu hahu Loron Tersa Feira 24/05/2022 to`o remata , no Total dadus nebe sei Verifika iha Sucu Lorè Segundu ne`e hamutuk Atus tolu liu.
JORNALISTA:MACI
EDITOR:NP
