Sunday, July 21, 2024
spot_img
HomeFoto GaleriaSai Jornalista La`os Fasil , maibe Fasil liu wainhira iha Vontade atu...

Sai Jornalista La`os Fasil , maibe Fasil liu wainhira iha Vontade atu Aprende.

LOSPALOS RCL VOX POPULY = Administradòr Postu Administrativu Lospalos , Municipiu Lautèm , Tersa feira 24/05/2022 ne`e hateten , Atu sai Jornalista la`os fasil , maibe fasil liu wainhira ita iha vontade atu aprende , hodi hakle`an mundu Jornalismu ho lolos no Transparente .

Administradòr Postu Administrativu Lospalos , Municipiu Lautèm , Dinis dos Santus Batista kasu lia hirak ne`e  , liu husi Abertura  formasaun Jornalismu nebe organiza husi Dirasaun Nasional Promosaun Dezenvolvimentu Mìdia Local DNPDML iha Estasaun Radio Comunidade Lospalos .

APA Lospalos  mos hateten , atu Pùblica Informasaun ruma ba Pùblicu ho lolos, Transparente , no Indepedente , Jornalista tengki envolve iha mundu Jornalizmu , liu husi formasaun Jornalista nian , tamba atu sai Jornalista la`os fasil , maibe fasil liu wainhira ema iha vontade atu Aprende.

‘’ Atu sai Jornalista Profesional , hodi Pùblica informasaun ruma ba pùblicu , Jornalista ne`e rasik tengki iha koñesimentu kle`an no koñese diak Mundu Jonalizmu nian , nune`e bele hato`o informasaun ba pùblicu ho Imparsial , transparensia , Justu no indepedente , nune`e hau hakarak hateten de`it katak , atu sai Jornalista la`os Fasil , maibe Fasil liu wainhira ita iha Vontade hodi Aprende hodi hasa`e diak liu tan Kapasidade iha arèa Jornalisticu nian. Iha Biban ida ne`e nudar  autoridade Local iha Postu Administrativu , hau agràdese  ba Equipa Dirasaun Nasional Promosaun Dezenvolvimentu Midia Local DNPDML , tamba bele fo Espasu ba Juventude no estudante sira iha Municipiu ida ne`e ho Formasaun Jornalisticu nian , tamba ho ida ne`e ita nia emar sira bele koñese Mundu Jornalizmu nian ‘’  dehan Administrador Postu Administrativu Lospalos , Municipiu Lautèm , Dinis dos Santus Batista liu husi Abertura  formasaun Jornalismu nebe organiza husi Dirasaun Nasional Promosaun Dezenvolvimentu Mìdia Local DNPDML iha Estasaun Radio Comunidade Lospalos Tersa feira 24/05/2022

Iha fatin hanesan , Formador DNPDML Afonsu Waitila Pereira hateten , loron ida ohin importante tebes ba Juventude no Estudantes no Jornalista sira , atu haklean liu tan koñesimentu hodi bele partisipa iha programasaun Radiu Lospalos .

‘’ loron ida ohin hanesan loron importante ba ami Equipa Dirasaun Nasional Promosaun Dezenvolvimentu Mìdia Local husi Ministèriu Assuntu Parlamentar Comunikasaun Sosial MAPCOMS , atu bele fahe Esperensia nebe ami iha hodi partìla ba Juventude , Estudantes no Jornalista RCL , kona ba oinsa partisipasaun Komunidade nian liu husi Programasaun RCL nian.’’ Hateten Waitila.

Alende ne`e  Gestòr  Ràdiu Komunidade Lospalos , Nascimentu Provinçial , agradese ba DNPDML tamba bele fo Pasu diak ba Jornalista no Juventude sira , hodi koñese no haforsa diak liu tan koñesimentu hodi  Partisipa atìvu iha Programasaun RCL nian.

‘’ Hau Agradese ba Dirasaun Nasional Promosaun Dezenvolvimentu Mìdia Local husi Ministèriu Assuntu Parlamentar Comunikasaun Sosial MAPCOMS , tamba bele fò passu diak ba Jornalista no Juventude sira , hodi koñese no haforsa diak liu tan koñesimentu hodi  Partisipa atìvu iha Programasaun RCL nian.’’ Dehan nia.

Entretantu ; Formasaun ne`ebe  organiza dirèta husi Equipa Dirasaun Nasional Promosaun Dezenvolvimentu Mìdia Local husi Ministèriu Assuntu Parlamentar Comunikasaun Sosial MAPCOMS , ne`e sei la`o durante loron 3 , hahu Tersa no sei termina iha Quinta feira ne`e.

 

JORNALISTA ; ACI

EDITOR ; NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x