LOSPALOS RCL VOX POPULY=Diresaun Nasional Prevensaun Conflito Comunitario ga DNPCC Municipiu Lautèm Konsege Rejolve tuir dalan Mediasaun ba Problema Konflitu Sosial hamutuk Walu nebe durante Akontese iha Komunidade nia Le`et , liu husi Aprosimasaun ho Lider Comunitariu no PNTL iha Municipiu Lautèm.
Responsavel Diresaun nasional prevensaun Conflito Comunitario iha Munisipio lautem Rui Viera do santos nebe jornalsita RCL hasoru iha Nia serviso fatin qurta feira 08/06/2022 nee hateten , Diresaun nasional prevensaun Conflitu Comunitario nee tutela iha Ministèrio Interior nebe halo knar iha munisipio lautem hodi halo supervijaun no halo monitorijasaun ba conflitu sira nebe akotese iha Comunidade nia Le`et no halo mediasaun Konflitu sira .
‘’serviso Dirasaun nasional prevensaun Conflito Comunitario ga DNPCC nee tutela iha Ministrio interior nebe durante nee halo nia serviso iha munisipio lautem ho nia kna`ar importante ida mak superviziona , Monitoriza no sai Mediador ba Konflitu nebe mak akontese iha Komunidade nia Le`et , Nune`e Komunidade sira bele moris iha Paz nia laran . Hakarak hateten mos katak dalan Medisaun ne`e atu fasilita no bele rejolve kaju konflito social nebe mak durante nee afeita ba komunidade sira. Dehan Responsavel DNPCC Rui Viera do santos iha tersa feira 07/06/2022’’
Nia mos Informa tan , kazu Konflitu Sosial nebe durante ne`e DNPCC Rejista husi janeiro to`o Maiu tina ida ne`e hamutuk Kazu Walu (8) no kazu hirak ne`e rezolve ona liu husi dalan mediasaun , nebe involve direita husi Parte Polisia no Lider Komunitariu iha Nivel Sucu no Aldeia .
‘’Husi Janeiru to`o Maiu 2022 Equipa Mediador husi Dirasaun Nasional Prevensaun Conflitu Comunitaria ga DNPCC konsege regista kazu Konflitu Sosial hamutuk 8 mak hanesan, Hadau Malu rai,animal tama toos , hadau malu platasaun , Divorsiu no kazu Sosial sira seluk , no Nùmeru Kazu ida ne`e , ami nia Equipa hamutuk ho Lider Komunitaria no PNTL hamutuk Rejolve ona tuir dalan Mediasaun.’’ Informa Responsavel DNPCC Municipiu Lautèm
Entertantu , Dirasaun Nasional Prevensaun Conflitu Comunitariu , Prontu nafatin Fasilita ho Rejolve Problema konflitu Sosial liu husi dalan Mediasaun , maibe tengki Informa ba Equipa refere , tamba ema sei lahatene wainhira laiha informasaun husi Autoridade Comunitariu sira .
Jornalista:ersy
Editor:NP
