Comandante Polisia Municipiu Lautèm Superintendente Polisia , Antoniu Regu Fernandes hateten , Santu Antonio nudar Mahein no Padrueiru ba PNTL , ne`e duni PNTL Tengki Selebra nia loron , tamba ho Santo Antonio sei fo forsa no Kbi`it bo`ot ba Instituisaun Estadu ne`e , hodi forsa no Firme nafatin Servi Nasaun no Povu.
Comandante PNTL ne`e mos Agradese ba Entidades tomak Municipiu Lautèm nebe partisipa iha Selebrasaun loron Santo Antoniu , maske ho Iklima nebe ladun favoravel , maibe ho Santo Antoni bele mahon no ni grasa hodi halibur ita hamutuk ba Selebrasaun ida ne`e .
‘’ Selebrasaun loron Santo Antoni la`o foin selebra iha tinan ida ne`e , maibe hanoin katak Santo Antoniu nudar Mahein no Padrueiru Instituisaun PNTL nian , ne`e duni kada tinan iha loron 13 de Juñu ami sempre selebra , maske ho Iklima nebe la favoravel iha ita nia Municipiu , maibe ho ita sempre Selebra nia loron , tamba Santo Antoniu sempre sai mahon ba ita hotu , portantu iha ne`e hau agradese tebes ba entidade hotu nia prezensa iha fatin ida ne`e , hodi hamutuk ho ami ita selebra loron Santu Antoniu nakonu ho ksolok , tamba loron ida ne`e la`os PNTL rasik mak selebra , maibe nudar sarani ita hotu konsidera ida ne`e nudar loron bo`ot ba Santu Antoniu nian .‘’ hateten Comandante Polisia Municipiu Lautèm Superintendente Polisia , Antoniu Regu Fernandes liu husi Serimonia Selebrasaun Loron Santu Antoniu iha Comandu PNTL Municipiu Lautèm Segunda 13/06/2022.
Nia mòs Afirma , PNTL Hili Santo Antoniu sai sira nia Mahein ga Padrueiru , tamba PNTL nia misaun no Konseitu Moris nian Apa`ar ho Santo Antoniu nia Misaun , tamba Misaun ida Domin no Dame hanesan Konseitu Moris nian .
‘’ PNTL hili Santo Antoniu sai sira nia Mahein ga Padrueiru , tamba PNTL nia misaun no Konseitu Moris nian Apa`ar ho Santo Antoniu nia Misaun ,tamba konseitu Moris Santo Antoniu nebe ita banati tuir ne`e importante ida mak , Pobreza , Penitènsia , Karidade domin no Dame , nune`e Santo Antoniu sei fo tulun no Forsa ba PNTL atu halo tuir Konseitu Moris nebe nia iha durante nia Moris iha Mundu ‘’ Dehan Comandante PNTL Municipiu Lautèm.
Entretanto ; Partisipa iha Serimonia Selebrasaun loron Santu Antoniu iha Comandu Municipal PNTL Municipiu Lautèm mak Entidades Religiogu no Religioza , Directore Municipal sira , Membru PNTL no Entidades tomak iha Municipiu Lautèm.
Jornalista:Ever
Editor:NP
