LOSPALOS RCL VOX POPULY=Suco 8 Iha Postu Administràtivu Lospalos , Municipiu Lautèm sei Implementa Programa Maõ de Obra Postu Administrativu ga PEMOPA , Iha Fulan Juñu tinan Rihun rua Rua nolu resin Rua , tamba Orsamentu no Planu Preparadu ona .
Administrador Postu Administrativu ga APA Lospalos , Municpiu Lautèm Dinis dos Santos Batista ba Jornalista RCL iha nia Kna`ar fatin Quarta feira 15/06/2022 ne`e informa , Programa ida ne`e nudar Programa Estadu nian nebe Tràsa ona ba Povu hodi Implementa iha ida idak nia sucu no Aldeia , no programa ida ne`e nudar programa Rekuperasaun Economia Povu nian.
APA Lospalos mos Declara , Osan ba Programa Maõ de Obra Postu Administrativu ga PEMOPA ne`e , autorizadu ona husi Governu ho Alokasaun Orsamentu ba Postu Lospalos hamutuk Dolares Americanu Rihun Atus Ida Sanolu resin Ha`at ($ 114.000.00) hodi kobre ba Sucu Walu iha Postu Administrativu Lospalos .
‘’ Ho total orsamentu hamutuk $ 114.000.00 Ne`e sei Implementa husi Comunidade Sucu 8 Iha Arèa Juridicu Postu Lospalos nian ,liu husi Actividade mak hanesan Manutensaun Estrada no Valeta , Prezerva aihoris iha Bè matan sira , Prezerva Fatin turisticu , no Limpeza iha Sucu laran , Program aida ne`e nudar Programa Rekuperasaun Econòmia Povu nian , tamba Povu iha Nasaun ida ne`e Afeta ho Situasaun Covid-19 no Situasaun sira seluk nebe ita infrenta , Program aida ne`e nudar Programa Estadu nian , nebe implementa direitamente husi Povu rasik , no Atividade ida ne`e planeia hotu ona hein implementa, ho Programa ida ne`e sei Kria Grupu Servisu 43 Grupu servisu Nivel Postu Administrativu Lospalos.’’ Declara Administrador Postu Administrativu ga APA Lospalos , Municpiu Lautèm Dinis dos Santos Batista ba Jornalista RCL iha nia Kna`ar fatin Quarta feira 15/06/2022 ne`e.
Dinis dos Santus Batista mos Informa tan , Administrasaun Postu Lospalos mos sei Sosializa Lei Higiene Orden Pùblicu ba iha Comunidade nia Le`et , hodi tau atensaun ba Animal Hakiak sira nebe durante ne`e husik iha Pùblicu , tamba tuir nia hare`e Povu barak mak sidauk iha konsiensia moral hodi kontinua Husik Animal iha Vila Lospalos .
‘’ Administrasaun Postu Administrativu Lospalos mos sei sosializa Decrètu lei nùmeru 33/2008 nebe koalia kona ba Igiene Ordèm Pùblicu nian ba Povu tomak , tamba durante ne`e Comunidade sira barak mak sida`uk iha konsiensia hodi kontinua Husik Animal Hakiak sira hanesan , Kuda , Karau , no Fahi iha Fatin Pùblicu , liu-liu iha Vila Lospalos nebe nudar Kapital Municipiu Lautèm , tamba ida ne`e sei estraga Ambiente Sidade , nune`e mòs Prezudika ba Movimentu Transporte iha Vila Lospalos , ne`e duni liu husi Meius ida ne`e Administrador Postu Lospalos , apela dal aida tan ba Povu Tomak , atu tau atensaun ba Animal hakiak sira , nebe durante ne`e husik livre , tamba Governu iha ona Planu atu Ejekuta Decretu Lei ne`e hodi halo Operasaun ba Animal hirak nebe kontinua husi livre iha Vila Lospalos.’’ Informa Nia.
Entretanto; Nudar sidada`un tengki hakru`uk ba Lei , tamba Lei mak sei regula ema hotu iha Nasaun ida ne`e , ho lei ita bele Kria Situasaun Amizade ba Paz no dame , Nune`e ita hotu tengki Respeita Lei no Ejekuta lei ho Responsabilidade.
Jornalaista:SdC
Editor:NP
