Sunday, July 14, 2024
spot_img
HomeFoto GaleriaKomunidade la satisfàs ho Atendimento Servisu Registu Notariadu Lautèm

Komunidade la satisfàs ho Atendimento Servisu Registu Notariadu Lautèm

LOSPALOS RCL VOX POPULY =Komunidade iha Municipiu Lautèm sente la satisfàs ho Atendimentu servisu Municipal Registu Notariadu Municipiu Lautèm nian sistema atendimentu ba Komunidade la ho Efètividade  tamba , atu Trata documentus ida presiza han tempu , nune`e Husu ba Ministèriu relevante atu hare`e assuntu ida ne`e ho Sèriedade .

Lia hirak ne`e hato`o husi , Komunidade ida ho naran Joantinus da Cruz ba Jornalista RCL iha Aredor Eskritòriu Servisu Municipal Notariadu Municipiu Lautèm Quinta Feira 07/07/2022 ne`e.

Joantinus mos afirma , durante ne`e atu trata documentu Legal Estadu hanesan Certidaun Moris RDTL , BI,Pasaporte no Dokumentu sira seluk ne`e la la`o ho màximu , nune`e halo Komunidade sira nakonu iha Aredor Eskritòriu Servisu Municipal Rèzistu Notariadu Municipiu Lautèm Husi Segunda to`o Sexta Feira.

‘’ hau hare husi Atendimentu nebe tarde ne`e , halo hau questiona tamba saida mak tarde , maske iha ona Orario Atendimentu nebe iha ona , ho Atendimentu ida hanesan ne`e hau ami nudar povu la satisfas ho ida ne`e , ne`eduni hau rekomenda Diretòr atu bele hadia lalais Sistema Atendimentu nian nune`e Comunidade labele Uza Escritòriu hanesan sira nia To`os ou Natar , no karik Menus Rekursu Umanu tengki halo Rekrutamentu Pessoal sira , ou selae diak liu mak , Rekursu Umanu Servisu Rezistu notariadu tengki koloka ona iha kada Postu Administrativu sira , nune`e ami nebe husi Postu Administrativu seluk ami bele trata iha ami nia postu rasik , tamba durante ne`e tratamentu Dokumentu Estadu nian , dala ruma mòs impede Estadante sira nia Estudu , Tratamentu Documentu nebe ho Durasaun tempu naruk .’’ Hateten Joantinu ba Jornalista RCL iha Aredor Eskritòriu Servisu Municipal Notariadu Municipiu Lautèm Quinta Feira 07/07/2022 ne`e.

Iha fatin hanesan , Anina Maria Francelina mòs hateten , maske Tratamentu document iha Registu Notariadu Municipiu Lautèm Kleur , maibe tengki pasesnsia tuir sistema no rekursu nebe iha , nune`e husu ba Povu hotu atu bele Pasensia hodi Hein , tamba Prosesu mak la`o nune`e ona .

‘’ Hau sente Sistema Tratamentu Documentu ne`e Kleur ne`e ita presiza hare`e husi Aspetu Rekursu Umanu no Fasilidade sira , ne`e duni ita tengki ho Pasensia hodi tuir Prosesu hirak ne`e , maske ita mai husi Do`ok , maibe tamba Documentu ida ne`e importante liu ba ita nia future oin mai.’’ Dehan Anina

Tuir Observasaun Jornalista RCL iha terrenu katak , husi Segunda to`o Sexta Feira , Komuniadde husi kada Postu Administrativu Ne`en iha Munipiu Lautèm Nakonu nafatin atu trata documentu Legal Estadu hanesan Certidaun Moris RDTL , BI,Pasaporte no Dokumentu sira seluk , no balun Hein to`o Semana mak foin bele hetan oportunidade

Relasiona ho assuntu ida ne`e , Jornalista RCL Tenta atu halo konfirmasaun ho Diretòr Servisu Municipal Rezistu Notariadu Municipiu Lautèm , maibe Diretòr rasik nia mandatu remata ona , no susar atu fo klarifikasaun  tamba lahetan ona autorizasaun husi Parte Nasional.

Jornalista:SDC

Editor:NP

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x