LOSPALOS RCL VOX POPULY=Supervizor Eletricidade de Timor Leste Empreza Pùblicu ga EDT – EP Municipiu Lautèm Sikito dos Santos Quarta Feira ne`e informa Prosesu monta Kontador Prepagu ba Kliente EDTL –EP nian iha Municipiu Lautèm , kuaze hotu ona , hela de`it Suco Wairoque , Postu Administrativu Luro , Municipiu Lautèm , tamba mudansa klimatica iha tinan ida ne`e .
Sikito dos Santos mòs deklara , Sucu Wairque sida`uk bele Monta Kontador Eletricidade Prepagu tamba , Udan iha tinan ida ne`e la fo fatin , ne`e duni Estrada ligasaun Postu Luru ba Sucu refere la favoravel , nune`e sucu refere sei hein bailoron mak bele ba Monta .
‘’durante ne’e EDTL –EP Nia servisu ne’e monta hotu ona kontador prepagu iha postu 6 nebe pertense ba Municipiu Lautèm , maibe hela sucu Wairoque Postu Administrative Luro ,rajaun tamba iha sucu ida ne’e dok husi nia postu administrative no ita ba mos susar , no Kondisaun Estrada mòs la diak iha Tempu udan , maibe iha tempu besik ne’e ami sei Instala hotu , no hau mos komunika ona ema ida no pronto ona atu fasilita fa`an Prepagu Eletricidade iha Sucu neba , hodi bele fasilita Komunidade sira ba Pulsa Eletrcidade ho diak .’’ hateten Supervizor Eletricidade de Timor Leste Empreza Pùblicu ga EDT – EP Municipiu Lautèm Sikito dos Santos ba Jornalista RCL iha nia Kna`ar fatin Quarta Feira 13/07/2022 ne`e.
Nia mòs informa , total Kontador Prepagu nebe Monta ona iha Muncipiu Lautèm , hamutuk Rihin Ne`en nolu resin (60.000+) , no ba dada`un ne`e sei hela Atus lima Nen nolu , no ida ne`e sei fasilita ba Klientes balun nia kontador Avaria , ou Kliente foun iha Municipiu Lautèm nebe karik presiza .
‘’ to`o agora ami EDTL-EP instala ona Kontador Prepagu hamutuk 60.000 + no dada`un ne`e ami sei iha restu Kontador 500 , no ami sei uja hodi Fasilita Kliente nebe nia kontador Avaria , no kliente foun iha Municipiu Lautèm , ba Suco Waioroque nian , ami sei kontaktu fali Dirasaun Nasional atu bele prepara hikas , tamba preparasaun kontador Prepagu ba dada`un ne`e sei barak.’’ Informa nia.
Entertantu: EDTL- EP mòs husu ba Kliente sira , atu utiliza kontador prepagu ho diak , no karik avaria bele relata ba Servisu Tècnicu EDTL-EP Municipiu Lautèm atu bele hetan reparasaun ou instala foun , tamba ho ita nia konsiensia ba uzu Prepagu nudar kontribuisaun ba Dezenvolvimentu nasaun nian .
Jornalista:sysi
Editor:NP
