LOSPALOS RCL VOX POPULY=Obras Pùblica liu husi Projètu Liña Ministerial , iha Fulan Julho ne`e hahu dada`un ona Prosesu rehabilitasaun ba Estrada rural ho kilometru Hitu , nebe Liga husi Fuiloru Lospalos , ba Sucu Muapitine Lospalos Municipiu Lautèm .
Supervizor Destakadu husi Dirasaun Nasional Estrada , Ponte no Controlu Cheias Ministèriu Obaras Pùblica Camilio dos Santos ba Jornalista RCL , Quarta Feira 13/07/2022 ne`e esklarese, rehabilitasaun estrada rural husi Sucu Fuiloru ba Muapitine ne`e fahe ba Pakote Tolu , ba Kompainia Local 3 mak manan Tenderizasaun , no ba dada`un ne`e kompainia ida mak hahu ona sira nia Obra.
Nia mòs afirma , Prosesu rehabilitasaun ba Estrada Kilometru Hitu ne`e ho Orsamentu Estadu nian ho total Dolare Americanu Miliaun ida Sia nolu resin Hitu , atus Tolu Ha`at nolu resin Walu Centavos Rua ($1,097,348.02) nebe fahe ba Kompainia 3 mak hanesan Kompainia Vivacious Form Unipessoal Lda , Tchai Celeiru Unipessoal Lda no Kako Anik Unipessoal Lda.
‘’ Estrada nebe Liga husi Sucu Fuiloru ba Sucu Muapitine Postu Administrativu Lospalos ne`e katerogiza Estrada Rural , ne`e duni Obras Pùblica Municipiu Lautèm hahu Rehailita ona kilometru 7 , no Prosesu rehabilitasaun ne`e fahe ba Pakote 3 no ba kompainia local 3 mak sai manan na`in ba Obra ida ne`e Nune`e Kompainia Local Vivacious Form Unipessoal Lda , hetan Oportunidade ba Estrada Kilometru 2 ho orsamentu $ 342,407.60 no Kompainia hetan Oportunidade ba Estrada Kilometru 2 ho Orsamentu $ 344,971.59 no ba Kompainia Tchai Celeiru Unipessoal Lda hetan Oportunidade ba Kilometru 3 ho montante orsamentu hamutuk $ 409,968.83.
Entretantu Prosesu Rehabilitasaun Estrada Fuiloru Muapitine ne`e sei lori tempu Tinan ida bazea ba Assina Kontratu , nune`e Hahu iha Julhu 2022 no sei remata iha Julhu tinan oin , no Kompainia Ida mak hahu ona nia Obra enkuantu Kompainia Rua seluk sei iha Prosesu nia laran , maibe Kompainia 3 mak sai manan na`in iha Prosesu Tenderizasaun.
Jornalista:ACI
Editor:NP
