Lospalos RCL VOX POPULY = Matèria Formasaun sensibilijasaun prevensaun violensia bazèa ba Jenèru durante Loron tolu iha Radio Comunidade Lospalos , sai bukae ba Estudante no Foin sa`e sira iha Municipiu Lautèm , tamba Matèria Formasaun bele ajuda oinsa bele minimiza violensia bazea ba jenèru iha moris lor-loron nian.
Gestòr Radiu comunidade lospalos Nascimento Provincial , Wainhira taka Treinamentu loron tolu ne`e hateten , Formasaun ida ne`e hahu ona iha Segunda Feira 25/07/2022 nebe loke ofisialmente husi Pontu Vokal Secretària estadu Igualidade no inklujaun Municipiu Lautèm , no ohin 27/07/2022 iha lokarik Kmanek ne`e , ofisiamente ensera , no espera materia formasaun ida ne`e sai bukae ba Estudante no foin Sa`e sira nia moris lor-loron nian .
‘’ Formasaun ida ne`e hahu ona iha Segunda Feira 25/07/2022 nebe loke ofisialmente husi Pontu Vokal Secretària estadu Igualidade no inklujaun Municipiu Lautèm , no ohin 27/07/2022 iha lokarik Kmanek ne`e , hau ofisiamente ensera , no espera materia formasaun ida ne`e sai bukae ba Estudante no foin Sa`e sira nia moris lor-loron nian , no bele halo asaun ida no foti desijaun diak ida ba ita nia vida moris tomak ne duni hau husu ba alin studante no alin juventude sira atu tau atensaun nafatin hodi bele implementa iha ida-idak nia moris.’’ Hateten Gestòr Radiu comunidade lospalos Nascimento Provinciak Wainhira taka ofisialmente Formasaun loron tolu Quarta Feira ne`e.
Iha fatin hanesan reprejentante Estudante Anastasio Lopes hateten nia parte agradese tamba bele hetan oportunidade hodi tuir formasaun ida ne’e , tamba formasaun ida ne’e bele ajuda ita iha futuru oin mai oinsa it abele halo prevensaun ba actu violensia nebe mak sei akontese iha comunidade nia le’et.
‘’hau agradese teb-tebes tamba bele hetan oportunidade hodi tuir formasaun ida ne’e no formasaun ida ne’e bele ajuda hau nune iha future oin mai karik iha problema ruma nebe akontese hau bele foti maneira hodi rejolve liu husi dalan prevensaun’’ hateten Anastasio Lopes.
Iha sorin seluk Pessoal Monitorizador Assosiasaun Radio comunitaria timor leste Antonio Martins hateten , materia ba prevensaun violensia ne’e importante ba studante no juventude sira , tamba ho Matèria ida ne`e bele ajuda Estudante no foin Sa`e sira , hodi sai Fini diak no aplika bai ha Pràtika asaun prevensaun iha sira nia moris.
‘’materia ba loron tolu ne’e hanesan fini ida nebe mak imi bele rai hodi uja ba imi nia moris lor-Loron nian nune iha rejultadu nebe diak no hau mos apresi tebes ba alin sira tamba iha loron tolu ida ne’e hau observa katak alin sira aktivu tebes iha formasaun ida ne’e no nudar joven foinsae so imi deit mak bele muda ba nasaun ne’e no nudar gerasaun foun tenke kaer nasaun ne’e no muda nasaun ne’e ba oin.’’ Hateten Pesoal Monitorizador Formasaun Antoniu Martins
Entertantu:formasaun durante loron tolu ne’e lao ho diak tamba hetan partisipasaun maximo husi estudante Ensinu Secundaria Geral LAT Lospalos , Ensinu Tèknicu Vokasional Nùmeru 1 Lospalos no Ensinu Secundaria tecnicu Vocasional Laiku Lospalos no Juventude CVTL
Jornalista:Silisi
Editor:NP
