Sunday, July 14, 2024
spot_img
HomeFoto GaleriaGerasaun Foun Leuro tengki kontinua Komemora Loron Levantamentu Armada nudar Loron Istoricu...

Gerasaun Foun Leuro tengki kontinua Komemora Loron Levantamentu Armada nudar Loron Istoricu ida

LOSPALOS RCL VOX POPULY=Gerasaun Foun Iha Sucu Leuro , Postu Administrativu Lospalos , Municipiyu Lautèm , tengki kontinua Komemora loron Levantamentu Armada nudar Loron Istòricu ida , maske sida`uk hetan rekoñesimentu husi Estadu , tamba loron Walu Fulan Agostu tinan Rihun Ida Atus Sia Walu nolu Resin Tolu nudar , lembransa moruk nebe Povu Sucu Leuro  hetan  .

Reprezentante Veteranu Sucu Leuro , Amelio da Costa Xàvier  Fatati , iha nia Intervensaun iha Comemorasaun Loron levantamentu Armada tinan ida ne`e iha Sucu Leuro Segunda 8/08/2022 ne`e Deklara , Levantamentu Armada iha Sucu Leuru ne`e nudar ordem husi Comandante Em Xèfe Falentil, Josè Alexàndre Kayrala Xanana Gusmao , nune`e Levantamentu Armada ne`e la`os Ema Leuru sira nia hanoin rasik .

Nia mòs hateten , Bazea ba Ordèm Comandu da luta ,  Levantamentu ne`e la`os ba Sucu hotu-hotu , maibe ba Sucu tolu iha Municipiu Lautèm , mak hanesan Sucu Leuro ,Postu Administrativu Lospalos ,  Sucu Serelau  Postu Lautèm no Suco Mehara Postu Tutuala .

‘’ Levantamentu Armada iha Sucu Leuru ne`e nudar ordem husi Comandante Em Xèfe Falentil, Josè Alexàndre Kayrala Xanana Gusmao , nune`e Levantamentu Armada ne`e la`os Ema Leuru sira nia hanoin rasik , Bazea ba Ordèm Comandu da luta ,  Levantamentu ne`e la`os ba Sucu hotu-hotu , maibe ba Sucu tolu iha Municipiu Lautèm , mak hanesan Sucu Leuro ,Postu Administrativu Lospalos ,  Sucu Serelau  Postu Lautèm no Suco Mehara Postu Tutuala . Bazea ba Ordèm Kopmandu da Luta katak , Levantamentu ne`e hahu iha Tuku 12 kalan , Unicu Sucu Leuro Mak halo tuir duni Ordèm .’’ Deklara  Reprezentante Veteranu Sucu Leuro , Amelio da Costa Xàvier  Fatati , iha nia Intervensaun iha Comemorasaun Loron levantamentu Armada tinan ida ne`e iha Sucu Leuro Segunda 8/08/2022 ne`e.

Fatati mòs husu ba Familia Màrtir no Gerasaun foun sira , atu kontinua lolo liman hamutuk hodi bele Komemora loron istòricu ida ne`e , tamba loron ida ne`e ita lakon Maluk lubuk ida , nebe luta ba rai doben ida ne`e liu husi Levantamentu Armada , maske Nasaun sida`uk rekonyese Loron ida ne`e sai loron Nasional .

‘’ Maske Nasaun Timor Leste sida`uk konsidera loron 8 de Agostu nudar loron Nasional ida , maibe Familia Màrtir no Gerasaun foun sira , atu kontinua lolo liman hamutuk hodi bele Komemora loron istòricu ida ne`e , tamba loron ida ne`e ita lakon Maluk lubuk ida , nebe luta ba rai doben ida ne`e liu husi Levantamentu Armada .’’ Hateten nia.

Iha fatin hanesan Administrador Postu Administrativu Lospalos , Dinis dos Santos Batista hateten , Gerasaun foun sira tengki Ativa iha Selebarasaun komemorasaun loron Levantamentu Armada , tamba ho Komemorasaun ida ne`e , bele hetan Istoria kona ba lala`ok Levantamento nebe akontese iha Tinan Tolu nolu resin Sia liu ba .

‘’ Hau Agradese Ba Estudantes no Gerasaun foun iha Sucu Leuru nebe ohin partisipa Komemorasaun Loron Levantamentu Armada ba tinan ida ne`e , atu partisipa no komemora bebe`ik Serimonia ida ne`e , tamba ho Komemorasaun ida ne`e , bele hetan Istoria kona ba lala`ok Levantamento nebe akontese iha Tinan Tolu nolu resin Sia liu ba.’’hateten Dinis.

Entretantu; Serimonia Levantamento Armada iha Sucu Leuru ba Tinan ida ne`e , realiza tamba hetan Kontribuisaun husi Familia Martir , Veteranu no Povu tomak iha Sucu , Leuru no laiha ajudu ruma husi Estadu .

Jornalista:ere

Editor:NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x