LOSPALOS RCL VOX POPULY =Uma Kain Lima nolu iha Aldeia Pai-Hira , Sucu Kakavei desde ukun A`an to`o agora , kontinua halerik kona ba Problema Be`e Mòs , tamba durante ne`e Aproveita de`it mak Udan Bèn ba Nececidade lor-loron nian , Nune`e Estadu tengki tau atensaun ba assuntu ida ne`e .
Inan feto ida iha Aldeia Pai-Hira Sucu Kakavei Postu Administrativu Lospalos , Municipiu Lautèm Beatriz dos Santos sente triste , tamba kuaje tinan barak nia laran sira tengki La`o kilometru ida ou rua mak foin Hetan Be`e Mòs hodi konsumu .
Nia mòs hateten , relasiona ho distansia , sira mòs aproveita Udan be`en nebe tun , hodi bele atende ba nececidade sira seluk , maibe to`o tempu bailoron Komunidade refere kontinua la`o hikas to`o distansia nebe do`ok.
‘’ Hau sente triste tamba kuaje tinan barak nia laran sira tengki La`o kilometru ida ou rua mak foin Hetan Be`e Mòs hodi konsumu , relasiona ho distansia , sira mòs aproveita Udan be`en nebe tun , hodi bele atende ba nececidade sira seluk , maibe to`o tempu bailoron Komunidade refere kontinua la`o hikas to`o distansia nebe do`ok.’’dehan Beatris do santos ba jornalista RCL iha nia rejidensia segunda feira 08/08/2022 ne`e.
Iha sorin seluk Delmina dos Santos mòs Deklara , Comunidade nebe situada ida area refere , tenki liu foho ida hafoin hetan Be`e mòs , tamba Be`e matan ida ho distansia Kilometru Rua , nebe iha fatuk kuak ida ne`e mak sira konsumu maibe tenki la`o dok hodi sae foho no tun foho mak foin sira hetan bee mos , no iha tempu udan sira teteki kontente ho udan be`en ba sira nia nesisidade lor .
‘’ ami iha nee, be`e matan hamutuk hat maibe dook hotu ,ho nunee ami komsumu deit bee matan ida ho naran savarika no waihira ami konsumu bee refere ami tenki lori masa gerigen tau iha bote mak ami lalin bee refere tamba bee refere iha rai okos ho nunee ami sente kole mak foin konsumu maibe waihira iha tempu udan ami sente kotente tamba bele uja udan Be`e hodi tein no fase ropa’’ hateten delmina do santos
Entertantu ; ho Problema Be`e Mòs iha Aldeia Refere , Governu liu husi Programa Nasional Dezenvolvimentu Sucu ga PNDS hahu Responde ona Problema ne`e , no sei kanaliza Be`e Mòs husi Bematan ida nebe hanaran Savarika , no Material konstrusaun ba Kanalizasaun Be`e Mòs hahu Transporta ona ba iha area refere .
Jornalista ;ERE
Editor;NP
