Sunday, July 14, 2024
spot_img
HomeFoto GaleriaGuarda Floresta Lautèm , Preukupa ho Fasilidade Transporte

Guarda Floresta Lautèm , Preukupa ho Fasilidade Transporte

LOSPALOS RCL VOX POPULY=Guarda Floresta Municipiu Lautèm , nebe Durante ne`e hala`o servisu iha area Patroilhamentu no Passa Revista ba Kortes no Kasa Ilegal iha Municipiu Lautèm , to`o agora Kontinua Preukupa ho Fasilidade Transporte no Radio Comunikasaun , tamba Susar atu Kontrola , teritorio Lautèm .

Còrdinador Guarda Floresta, Departamentu Floresta no Planta Industria Municipiu Lautèm Agustinu Belo ba Jornalista RCL Segunda Fèira 15/08/2022 ne`e hateten , Atìvidade nebe Guarda Floresta halo durante ne`e mak , Pasa Revista iha tempu kalan no Patroilamentu iha Ailaran , hodi Proteze Ailaran iha Arèa Parque Nasional Ninu Koni Santana , Municipiu Lautèm .

Nia mòs afirma , ho Atìvidade hirak ne`e , Guarda Floresta Municipiu Lautèm , konsege Prende ona Ai Ilegal iha parte Soikili  , Punu no Trans Ililapa , Lorè Segundu , ai hirak ne`e konsidera illegal tamba laiha karta Lisensa de Kortes no Lisensa Transportasaun , no ai hirak ne`e asegura ona iha Armagèn hodi prosed aba oin.

‘’ Atìvidade nebe Guarda Floresta halo durante ne`e mak , Pasa Revista iha tempu kalan no Patroilamentu iha Ailaran , hodi Proteze Ailaran iha Arèa Parque Nasional Ninu Koni Santana , Municipiu Lautèm, iha Pasa revista tempu kalan , ami konsege Prende ona Ai Ilegal iha parte Sikili Sucu Parlamentu , area Punu Suco Pairara no Trans Ililapa Lorè Segundu , ai hirak ne`e konsidera illegal tamba laiha karta Lisensa de Kortes no Lisensa Transportasaun , no ai hirak ne`e asegura ona iha Armagèn no prosesu kontinua La`o.’’ Hateten Còrdinador Guarda Floresta Municipiu Lautèm , Departamentu Floresta no Planta Industria Municipiu Lautèm Agustinu Belo ba Jornalista RCL Segunda Fèira 15/08/2022 ne`e.

Còrdinador Guarda Floresta ne`e mòs informa , husi 2019 to`o agora , Guarda Floresta Kontinua Preukupa ho Problema Transporte , maibe durante ne`e Pesoal Guarda Floresta , servisu ho Konsiensia , liu husi Uja Motor Privadu hodi hala`o Patroilamentu.

‘’ Iha tinan 2019 to`o agora , Guarda Floresta Kontinua Preukupa ho Problema Transporte , maibe durante ne`e Pesoal Guarda Floresta , servisu ho Konsiensia , liu husi Uja Motor Privadu hodi hala`o kontrolu,maske ho Area Servisu nebe ho distansia do`ok , maibe Pasensia hodi servi .Estado ho Fasilidade Privadu , ne`e duni hau husu ba Parte Superior sira , atu bel fasilita Guarda Floresta sira Transporte no radio Komunikasaun , hodi hafasil kontrolu.’’ Hateten nia.

Entretantu; Rikeza rai maran , nudar Rikeza Povu no Nasaun nian , ne`e duni ita hotu tengki tau konsiensia hodi Proteze no konbtrola , tamba iha futuru sei benefisia ba ita nia gerasaun oin mai.

Jornalista:SdC

Editor:NP

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x