Dili RCL VOXPOPULY = Prezidente Repùblica Timor leste hateten , nia parte la konkorda ho lei kriminaliza defamasaun , no lei ne`e tengki hahu mudansa ona , tamba sei fo impaktu ba servisu Jornalisme nian , iha nasaun ida ne`e .
Prezidente RDTL Josè Manuel Ramos hato`o lia hirak ne`e ba Jornalista sira, hafoin Partisipa iha Forum Dialogu Dili ga The Dili Dialog Forum iha Edifisiu CNE Lalini larigutu Dili Quinta fèira 25/08/2022 ne`e.
Prezidente da Repùblica ne`e mòs afirma , nia parte husu atu bele halo mudansa ba lei Kriminaliza defamasaun , lei ne`e lolos atu muda ona , maibe sida`uk no to`o agora sei kontinua implementa lei ida ne`e , ne`e duni lei ida ne`e tengki muda,tamba lei ida ne`e sei hamate Liberdade de imprenssa iha paiz ida ne`e .
‘’ Ita lalika lori Jornalista sira ba tribunal karik dèfama ema ruma , maibe problema jornalista sira nia tengki apròsima ho Press Council , tamba Press Council mak iha papel importante atu rejolve naksalak sira iha media ida , hau hatetè hau la konkorda ho lei nebe kriminaliza defamasaun nian , hau hakarak lei ne`e muda hau sei propòin kona lei ne`e atu muda atu labele kriminaliza defamasaun , hau sei halo dialogu ho lei na`in sira iha tinan foun ne`e mai , antes Elisaun Parlamentar hau sei koalia ho bankada balun atu muda ona lei ida ne`e , tamba sei fo impactu ba Liberdade de Imprenssa iha Nasaun ida ne`e.’’ hateten Prezidente RDTL Josè Manuel Ramos Horta ba Jornalista sira, hafoin Partisipa iha Forum Dialogu Dili ga The Dili Dialog Forum iha Edifisiu CNE Lalini larigutu Dili Quinta fèira 25/08/2022 ne`e.
Entretanto; Problema Jornalista sira nian ida ne`e Kompetensia Konselu imprenssa nian , nune`e labele kole A`an lori Jornalista ba iha tribunal , maibe ema hotu admira tamba to`o agora Jornalista ida mòs sira sida`uk tama prizaun tan dèit sira nia produtu .
Jornalista : sdc.
Editor: NP
