LOSPALOS RCL VOX POPULY=Bazèa ba Epòka kultivu Rihun Rua , Rua nolu resin Rua , Rihun Rua , Rua nolu resin Tolu (2022-2023) Servisu Municipal Agricultura , liu husi Departamentu Agricultura , Horticultura no Estensaun hahu lansa ona Sistema operasaun Tratòr Sanolu resin Hitu (17) hodi hala`o Programa Fila rai iha Lautèm , iha inisiu Fulan Setembru tinan ida ne`e .
Xèfe Departamentu Agrikultura Hortikultura no Estènsaun , Servisu Municipal Agrikultura ga SMA ,Municipiu Lautèm Manuel Madeira Xàviu nebe Jornalista RCL hasoru iha nia Knar fatin Xèsta feira ne`e hateten , maske programa sistema opersaun Fila Rai ne`ebe mak servisu Municipal Agrikultura gere ne`e la`o ho tarde , maibe realija tuir formula mata dalan nebe mak iha .
Nia Mòs hateten , liu husi formula mata dalan fila rai Ninian , serviso Municipal Agrikultura mòs hala`o Distinsaun hodi kolokasaun Tratòr no Operdòr ba kada postu nebe mak pertense iha Munisipio lautem hodi halo opersaun fila komunidade nia toos.
‘’ Maske programa sistema operasaun Fila Rai nebe mak serviso Munispal Agrikultura Gere ne`e la`o tarde , maibe realija ona tuir formula mata dalan nebe mak iha , no bazèa ba formula mata dalan fila rai Ninian ne`e , serviso Munispal Agrikultura mòs halo Distinsaun hodi koloka Tratòr hamutuk 17 no Operdor hamutuk 34 ba kada postu nebe mak pertense iha Munisipio lautem hodi halo operasaun fila komunidade nia toos’’ Dehan Xèfe Departamentu Agrikultura Hortikultura no Extensaun , Servisu Municipal Agrikultura Municipiu Lautèm Manuel Madeira Xàviu ba Jornalista RCL iha nia Knar fatin sesta feira 02/09/2022.
Xèfe Departamentu ne`e mòs realsa tan , programa nebe mak Serviso Municipal Agrikultura halo nee Programado ona , ho nunee iha loron ida fulan setembru Tinan rihun Rua , Rua nolu resin Rua (2022) sistema operasaun fila rai iha Munisipio lautem lao ona , maibe ba Aldeia sira nebe mak destakado iha suku fuiloro , wainhira halo operasaun , trator tenki fila Edifisio hodi halo manutensaun.
‘’ Programa sira nebe mak serviso Agrikultura halo nee programado ona ho nunee iha loron 01/09/2022 sistema operasaun fila rai iha Munisipio Lautèm la`o ona, maibe Tratòr no hirak ne`ebe mak hala`o operasaun iha Aldeia sira iha Sucu Fuiloru ,Lospalos tengki fila hikas ba Edifisiu Servisu Municipial Agricultura ga SMA iha tempu lokraik hodi halo manutensaun.’’ hateten nia .
Entertantu;husu nafatin ba lider komunitario no komunidade sira atu serviso hamutuk ho Tratòrista nebe mak destaka ona ba kada suku no aldei sira , atu nunee bele fo Benefisiu ba ita nia to`os na`in no ita nia komunidade sira , asesu sistema opresaun fila rai hodi nune`e bele hetan produsaun nebe diak ba epòka kultivu ba tinan 2022-2023.
Jornalista:Erno
Editor:NP
