LOSPALOS RCL VOX POPULY 21-10-2022= Servisu Municipal Agricultura ga SMA , Municipiu Lautèm, ne`ebe hetan Suporta Fundu husi Ministèriu Agricultura no Pesca , Sèxta feira ne`e Selebra Loron Internasional Feto Rural , ho Tema Melhoramentu Cadeia de Valòr Agricultura , ne`ebe hala`o iha Escritòriu SMA Municipiu Lautèm .
Vice Comisaun Organizadora ba Selebrasaun Loron Nasional Fèto Rural iha Municipiu Lautèm , Celestina da Costa ba Jornalista RCL iha fatin cerimonia relata ,Objetivu husi Selebrasaun ida ne`e , atu valorize Involvimentu Feto rural iha Prosesu Dezenvolvimentu Nasional, Nune`e mòs Promove Kreatividade feto nian ba Econonomia famila nian .
Viçe Comisaun ne`e mòs afirma , liu husi loron Internasional Feto rural ida ne`e , Comisaun Organizadora , Organiza Kompetisaun Tèin Produtu Local no Certame ba Grupu Feto rural sira ne`ebe mai husi Postu Administràtivu Ne`en iha Municipiu Lautèm , hodi promove kapasidade feto sira iha area rural .
‘’ Celebrasaun ida ne`e nùdar Atividade ba Celebarasaun Loron Internasional Feto Rural , ne`ebe Mundu Internasional Celebra , Inklui Nasaun Timor Leste , hodi bele valoriza Feto rural sira nia kontribuisaun ba Dezenvolvimentu Nasional , Celebrasaun ida ne`e Organiza husi Ministèriu Agricultura no Pesca liu husi Servisu Municipal Agricultura Municipiu Lautèm , ho Assuntu ga Tema Geral ne`ebe iha mak Melhoramentu Cadeia de Valòr Agricultura ,La`os SEII de`it mak bele Celebra maibe Asuntu Feto nian , ne`e responsabilidade Ministèriu sira hotu , atu Valoriza no Entegra Asuntu Generu iha kada Ministèriu nia Planu Assaun no Orsamentu , MAP mòs asina Declarasaun Maubise 2º durante tinan 5 nia laran no tinan oin remata, hatàn ba Declarasaun Maubise ne`e , MAP mòs ajuda no fasilita grupu feto , liu-liu ba grupu Feto rural iha Area Pesca , horticultura no Pequaria , hodi bele hasa`e sira nia rendimentu Economia iha sira nia moris lor-loron.’’ Afirma Vice Comisaun Organizadora ba Selebrasaun Loron Nasional Fèto Rural iha Municipiu Lautèm , Celestina da Costa ba Jornalista RCL iha fatin cerimonia 21/10/2022 ne`e.
Cerimonia Celebrasaun ida ne`e , Partisipa Reprezentante Diretòr Geral Agricultura no Pesca HO NIA Kometiva , Administrador Municipiu no Postu iha Municipiu Lautèm , Prezidente AFEL , Feto potensia sira , nune`e mòs grupu Feto rural husi Postu Lorè , Lautèm , Tutuala , Iliomar no no Lospalos , enkuantu Grupu Feto rural husi Postu Luru , la marka sira nia Prezensa iha Cerimonia refere.
Entretantu , Actividade ne`ebe realiza iha loron Komemorasaun ne`e mak hanesan , Competisaun Te`in Produtu Local , Certame nune`e mòs Kuda Ai oan , iha Area Administrasaun Municipiu Lautèm , no Actividade ba Comemorasaun ne`e , Apoiu Fundus husi , Ministèrio Agricultura no Pesca Nasional , ho montante Dolar Americanu rihun Rua.
Jornalista :Lino
Editor:NP
