LORE RCL VOX POPULY=Secretario Estado Pesca hamutuk ho Parseiru Dezenvolvimentu iha Timor Leste UNDP , Sèxta Feira 16/09/2022 ne`e ofisialmente lansa Rumpon Ikan Unidade rua ba Grupu Pescador Aldeia Rua , Vailana no Horolata iha Tasi Mane Lorè , Suco Lorè Primeiru , Postu Administrativu Lorè , Municipiu Lautèm .
Sècretàriu do Estadu Pesca , Elidiu Ximenes liu husi serimonia Lansamentu ne`e hateten , ho Rumpon Unidade Rua nebe ohin loron lansa ne`e bele tulun no ajuda Pescador sira iha rai Lorè nia rendimentu ekonomia , no bele fasilita sira nia atìvidade Pesca nian , tamba ho Rumpon bele fo benefisiu ba Economia Pescador sira nian , iha kondisaun tasi nebe diak .
Nia mòs husu ba Pescadores no grupu Konservasaun sira iha Lorè , atu Gere didiak rumpon ida ne`e , tamba ho Rumpon bele fo Rendimentu Economia iha Grupu no ba Membru tomak , nune`e tengki Gere ho responsabilidade no halo manutensaun diak , hodi fo nafatin Rendimentu ikan iha tempu sai`ida deit wainhira kondisaun tasi diak.
‘’ ho Rumpon Unidade Rua nebe ohin loron lansa ne`e bele tulun no ajuda Pescador sira iha rai Lorè nia rendimentu ekonomia , no bele fasilita sira nia atìvidade Pesca nian , tamba ho Rumpon bele fo benefisiu ba Economia Pescador sira nian , iha kondisaun tasi nebe diak , hau husu ba Pescadores no grupu Konservasaun sira iha Lorè , atu Gere didiak rumpon ida ne`e , tamba ho Rumpon bele fo Rendimentu Economia iha Grupu no ba Membru tomak , nune`e tengki gere ho responsabilidade no halo manutensaun diak , hodi fo nafatin Rendimentu ikan iha tempu sai`ida deit wainhira kondisaun tasi diak.’’ Hateten Sècretàriu do Estadu Pesca , Elidiu Ximenes liu husi serimonia Lansamentu Rumpon Ikan Unidade rua Sèxta Feira 16/09/2022 ne`e iha tasi Lorè ga Tahi Txàlu .
Iha fatin Hanesan , Còrdinador Projètu UNDP Almerindu Oliveira ba Jornalista RCL hateten , UNDP La`os fò Osan bo`ot ba Grupu Pescador sira , maibe fo nato`on atu oinsa bele hahu sira nia sistema Pesca ho Rendimentu ne`ebe bo`ot , hodi diversifika Economia sira nian .
‘’ Ami UNDP la fò Osan bo`ot , maibe nato`on oinsa bele hahu sira nia sistema Pesca ho Rendimentu ne`ebe bo`ot , hodi diversifika Economia sira nian àn , Familia no Comunidade , no Apoiu nebe ami oferese bele fasilita Grupu Pescador nian hodi hasa`e sira nia Criatividade , hodi sai na`in ba Attividade , ba Dezenvolve Sistema Pesca ho Rumpon Ikan nebe iha.’’ Còrdinador Projètu UNDP Almerindu Oliveira.
Entretanto; Serimonia Lansamento Rumpon Unidade Rua iha Tasi Mane Lorè ne`e . akompanya ho Misa Agradesimentu nebe Prejidi Dirèita husi Amo Paroqu Saõ Paulo Lospalos , no Cerimonia ida ne`e partisipa husi Autoridade Local no Nasional .
Jornalista:ACI
Editor:NP
