LOSPALOS RCL VOX POPULY 06-10-2022= Relasiona ho Eskola sira iha Municipiu Lautèm ne`ebe infrenta Problema, Menus Pròfesor , Ministèriu Edukasaun Juventude no Desportu (MEJD) sei esforsu hodi Koresponde , tamba Problema ida ne`e akontese iha Teritòriu Timor tomak , la`os Municipiu Lautèm de`it.
Lia hirak ne`e hato`o husi Diretòr Servisu Municipal Educasaun , Municipiu Lautèm Rui Manuel Branco ba Jornalista RCL Quinta Feira 06/10/2022 ne`e , hodi Responde Problema Menus professor ne`ebe Questiona husi Eskola balun iha Municipiu Lautèm liu husi Radio Lospalos RCL iha semana ida ne`e.
Diretòr ne`e mòs declara tan , Problema menus Profesor ne`e la`os akontese iha Municipiu Lautèm de`it , maibe akontese iha Municipiu sira hotu iha Nasaun ida ne`e , nune`e Governu sei hare`e Assuntu ida ne`e ho nene`ik , sei la halo Milagre , tamba Buat hotu presija liu husi Prosesu.
‘’ Problema menus Profesor ne`e` la`os akontese iha Municipiu Lautèm , maibe akontese iha Municipiu hotu iha Nasaun Timor Leste , iha tinan hirak nia laran Profesor sira barak mak Faleidu no professores barak mak ho kondisaun sa`ude la permiti no buat barak mak eskola Infrenta , nune`e Guvernu la`os atu hare`e ba Lautèm de`it ne`e inposivel , ne`eduni Governu sei Esforsu hodi hare`e Problema ne`e ho nene`ik , tamba atu rejolve problema ne`e ho geralmente la`os ba Municipiu Lautèm de`it , sei la halo Milagre , tamba Buat hotu presija liu husi Prosesu.’’ Declara Diretòr Servisu Municipal Educasaun , Juventude no Desportu Municipiu Lautèm Rui Manuel Branco ba Jornalista RCL Quinta Feira 06/10/2022 ne`e.
Husu kona ba Problema Meja no kadera iha EBC Lautèm , Dirètor ne`e hatàn katak , Escola hotu-hotu tengki ho Pasensia , hodi simu Realidade ne`ebe iha , tamba dadus hotu-hotu Servisu Municipal Edukasaun relata ona dirasaun Logistica Nasional , maibe tengki ho Pasensia hodi hein ,tamba Ministèriu Edukasaun Nasional Liu husi Logistica Nasional mak direitamente sei tula rasik ba eskola ida-idak nian iha Munisipiu Lautem .
‘’Infelismente Ami Director Sira Ne’e Lahatene ami laiha dadus konkretu husi Logistica, tuir lolos Logistica tenki fo dadudus konkretu ba ami katak eskola iha Lautem tomak ninia naran mak ne’e nia total mak ne’e , mais ne’e ami lahatene sira tula liu ba direita ba iha eskola refere ami director sira ne’e ami lahatene , mais prontu ne’e Ministèriu nia Servisu ne’e prontu keta aban bairua mak fò, mais tuir lolos ne’e ami hetan dadus para ami mos asegura inkaminya ba Inspetòr sira para sira hatene , para kadeira no meja ne`ebe tula ba ne’e iha montante surat laran ne’e los ga la los no balun lakon ga mais kuandu dadus la to’o ami ne’e , ami la halo buat ida , maibe iha eskola EBC lautem mos iha prosessu ona hein deit wainhira mak tula ba iha fatin eskola’’ hatan Rui Manuel Branco Quinta feira 06-10-2022
Entertantu :husu nafatin ba eskola hotu-hotu iha Munisipiu Lautem ne`ebe mak mèza no kadèra menus , tenki pasènsia hodi hein nafatin prosesu ne’e , no pasensia hodi simu realidade ne`ebe iha , buat hotu la`os mosu ho Milàgre , maibe sei liu husi Prosesu naruk ida.
Jornalista:Sdc
Editor:NP
