LOSPALOS RCL VOX POPULY 06-10-2022= Iha Loron Ida Fulan Outubru rihun Rua Rua nolu resin Rua (01-10-2022) Pròfesor Na`in Rua iha , Ensinu Bazicu Central ga EBC Coro-Asu de Maloru , Postu Administrativu Lorè , Municipiu Lautèm ne`ebe hetan Nomeasaun por Mèritu ba Kargu Diretòr Escola no Xèfe Gabinete Apoiu Tècnicu ka GAT , halo hikas Carta Rejignasaun ho rajaun , laiha Konsultasaun Klean ho Pessoal no Kondisaun Sa`ude la Estàvel.
Nomeasaun pòr Mèritu ba kargu Diretòr da Escola no Xèfe Gabinete Apoiu Tècnicu ka GAT ne`e bazea ba Karta Fungsaun Pùblica nian ho Desizaun Nùmeru 5032/2022 / PCFP iha Loron sanolu resin Lima Fulan Setèmbru rihun Rua , Rua nolu resin Rua (15/09/2022) nian .
Quinta Feira ne`e , Jornalista RCL Konfirma ba Diretòr Edukasaun Municipiu Lautèm , Rui Manuel Branco Konsidera informasaun ne`e lòs , no karta Rezignasaun ne`e , tama ona iha Gabinete Edukasaun Municipiu Lautèm nian no ida ne`e desizaun pertinente ema ida nian , la`os parte Edukasaun mak haruka .
Nia mòs hateten tàn , wainhira Governo Timor Leste Fo ona kargo Konfiansa ba Chefia ne’e ita tenke simu ho realidade nebe iha , maibe professor EBC lakoi simu ba kargu ida ne’e , no ida ne’e pertinente ema nia desizaun ne`ebe fo sai no nia sente katak labele halo servisu ne’e.
‘’Normalmente kargo sira ne’e wainhira Guvernu Timor Leste fò konfiansa ba sira ne’e tenke simu ho realidade nebe iha , maibe professor ne’e responde dehan atu rejigna àn ne’e pertinente , ita respeitu ema nia desizaun ,tamba sira mòs iha rajaun fundamental nebe sira aprezenta ,ida ne’e ita tenke konsidera wainhira sira halo Rejignasaun , kona ba Kargu Xèfi GAT mòs hanesan , nia halo rejignasaun ne’e depende ba nia situasaun rasik , tamba wainhira kargo Xèfia ne’e fo ona maibe sente todan nia bele halo rejignasaun, la`os Educasaun Municipiu mak fo rejignasaun , maibe sira mak sente katak kargu foun ne`ebe sira hetan ne`e todan ba Sira , hodi nune`e sira rasik mak rejigna àn.’’Hatateten Directur Educasaun Municipio Lautèm Rui Manuel Branco.
Diretòr Educasaun Ne’e mos hateten tan , karta subtituisaun ba Kargu Xèfia Rua ne`e seida`uk la`o , maibe kompetensia servisu ba malu ne’e tenke la`o nafatin , tamba termo entrèga nebe seidauk ne’e sei produs hela , maibe iha loron seggunda feira semana oin servisu Kargu Xèfia foun tenke la`o ona iha escola EBC Koroasu de Maloru
‘’ Kona ba Carta subtitui ne’e seidauk lao maibe kompetensia servisu ba malu ne’e tenke lao nafatin tamba termos de entrega nebe seidauk ne’e sei produs hela maibe iha loron seggunda feira semana oin servisu tenke lao nafatin iha escola EBC Koroasu de Maloru tamba kestaun kona ba termos de entrega ida ne’e nia ema iha atu halo maibe servisu iha escola EBC Coro-Asu Màloru ne’e tenke la`o nafatin hanesan baibain.’’Dehan Directur Educasaun Munisipio Lautem Rui Manuel Branco ‘’
Entertantu: Kona ba Rejignasaun ne`e la`os Problema , maibe husu ba Manorin sira atu bele prepara Alunus sira ho Diak , tamba Ezame Local no Nasional hahu besik ona , ne`eduni parte Eskola tengki halo Preparasaun màximu , nune`e alunus sira bele hetan Valòr diak hodi hakàt ba Ambiente Escola foun iha Ensinu Secundària Gèral .
Jornalista:syda
Editor:NP
