Lautèm RCL VOX POPULY 18/10/2022 = Agricultòr Natar iha Area Serelau , Suco Serelau , Postu Administràtivu Lautèm , Municipiu Lautèm , husu Apoio Tratòr , Irigasaun no Fatin Rai Hàre Seguru nian , nune`e bele fasilita Agricultòr sira ho diak , tamba to`o agora sira nia Produtu laiha fatin atu rai , no laiha Tratòr atu apoiu sira nia Servisu , nune`e husu ba parte Governu , atu bele tau prioridade ba Agricultor sira nia problema.
Agricultòra ida ho naran Juanina Miranda husi Suco Serelau , Aldeia Poruwari ba Jornalista RCL iha Natar Tersa Feira ne`e hateten , Natàr ne`ebe Sira halo ne`e , Abandona ona kuaze tinan Sanolu resin Lima (15) tamba laiha Irigasaun no Apoiu Tratòr , maibe ba tinan ida ne`e sira kontinua dezenraska halo , tamba Udan Monu rai hatama Be`e ba natar laran.
Agricultora ne`e mòs hateten , Natar ida ne`e nudar Eransa Gerasaun Familia nian , hodi fo fiar ba sira atu halo hodi sustenta sira nia moris lor-loron nian , no be`e ne`ebe sira uza ba Natar ne`e mai husi Be`e matan ida husi Suco Serelau nian, maibe problema mòs laiha Irigasaun atu bele Pòupa Be`e , ne`e duni Natar kuaze Hektar Ha`at nolu (40 Hektares) mak Abandona .
‘’ Ami nia Natar ne`e kuaze tinan 15 abandona , tamba problema laiha be`e , laiha Tratòr atu apoia hodi fila sira nia Natar , maibe ba tinan ida ne`e ami dezenraska halai fali natar ne`e , tamba Nececidade mak obriga , no ami nia Natar ne`e uza udan be`en , nune`e mòs laiha Tratòr atu apoia ami nia servisu , Ami Aluga tratòr liman ne`ebe ho kondisaun ladiak , maibe ami agoenta to`o finaliza Fila ami nia Natar , kuaze hectare 2 ou liu , no ba dada`un ne`e ami koileta ona , nune`e mòs ami hetan problema kona ba Makina Dulas Hare , no Fatin Atu rai hare , tamba , durante ne`e ami uza Sistema Tradisional hodi rai no Prosesamentu Hare nian.’’ Hateten Agricultòra ida ho naran Juanina Miranda husi Suco Serelau , Aldeia Poruwari ba Jornalista RCL iha Natar Tersa Feira 18/10/2022 ne`e.
Nia mòs informa , Produtu Natar nian , koileta ona , maibe laiha fatin atu rai , ne`eduni husu ba Parte ne`ebe relevante atu bele fo apoia Bido`on ba fatin Rai hare ne`ebe seguru , tamba Produtu hare ne`ebe iha , sei tau iha luròn, no posibilidade Estragus wainhira udan kontinua tau.
‘’ Ami nia Rejultadu Natar ne`e kuaze Hektar 2 mak ami atu koileta ona , maibe problema ba ami mak , ami laiha fatin atu rai ami nia Produtu , ne`e duni ami husu ba Parte ne`ebe relevante atu bele fo apoia Bido`on ga fatin Rai hare ne`ebe seguru , tamba Produtu hare ne`ebe iha , sei tau iha Luròn , no posibilidade Estragus wainhira udan kontinua tau. Hateten nia.
Entretanto; Agricultor sira prontu badinas iha Natar , wainhira iha Fasilidade ne`ebe propriu , nune`e bele fasilita sira nia servisu husi inisiu to`o Postu Koileta nian, tamba Agricultòr mak sei Prodùs no konsumu Aihan local , ne`e duni presija iha atensaun husi Governu no Parte ne`ebe relevante.
Jornalista ; Cheche
Editor ; NP
