Saturday, June 15, 2024
spot_img
HomeFoto GaleriaPAA 2024 , Lautém Hatama ona Planu Konstrusaun Merkadu Konjunta iha Baliza...

PAA 2024 , Lautém Hatama ona Planu Konstrusaun Merkadu Konjunta iha Baliza Lautém no Baucau.

Lospalos RCL Vox Populy 04/09/2023 = Administradór Munisípiu Lautém Segunda féira ne`e hateten , Tuir Planu Munisípiu Lautém sei Konstrui Merkadu Konjunta  ida iha Baliza Lautém no Baucau , hodi fó Espásu diak ba Negosiante sira entre Munisípiu Rua ne`e , tamba dada`un ne`e Espásu Merkadu Lospalos , la fó ona Espasu ba Vendedor sira husi Munisípiu Lautém no Baucau.

Administradór Munisípiu Lautém Domingos Xáviu ba Jornalista sira , iha salaun Administrasaun Munisípiu Lautém Infórma , dada`un ne`e Munisípiu Lautém iha Planu Kompleta ho Dezeñu BOQ ba konstrusaun Merkadu Konjunta Ida  iha Baliza Munisípiu Lautém  nian , tamba Movimentu Vendedór sira husi Munisípiu seluk nakonu iha Merkadu Sentrál Lospalos , halo Espasu Merkadu laiha ona , nune`e Planu ida ne`e halo hodi Koresponde Movimentu sira ne`e .

Administradór ne`e mós Subliña katak , Planu Konstrusaun Merkadu Konjunta  ne`e , sei Kompleta ho Terminal , nune`e bele fó Benefisiu ba Transporte Públiku liu-liu Anguna sira  ne`ebe durante ne`e sirkula iha Munisípiu Lautém.

‘’Ita nia Planu ne`e atu Estabelese Merkadu Konjunta iha Baliza Munisípiu Lautém ho Baucau ,  hodi fasilita Vendedor sira husi Munisípiu Lautém no Baucau , nune`e mós Munisípiu sira seluk , tamba agora  ita haré Merkadu  Sentral Lospalos nia Espásu hahu Menus , Wainhira Vendedór sira husi Munisípiu seluk , hala`o Negosiu iha Munisípiu Lautém iha loron Bazar nian . Alende ne`e Merkadu Konjunta ida ne`e sei Kompleta ho Terminal, nune`e Bis husi Dirasaun Lospalos Dili bele para iha terminal merkadu konjunta , nune`e Pasajeiru sira husi Munisípiu Lautém bele konsentra iha Terminal refere ba Dili nno fila mai sira nia Knua ida-idak , tamba alende fó Benefisiu ba Vendedór sira , Merkadu Konjunta ne`e mós sei fó Benefisíu ba Transporte Públika ne`ebe tula Pasajeiru iha Munisípiu Lautém nia laran . Planu ida ne`e ita halo ona , no Aprejenta on aba Governu Anterior liu husi Ministériu Tránsporte no Komersiu Indústria (MTCI) kompletu ho Dezeñu BOQ iha tinan kotuk , maibe la kosege realija , entaun Planu ida ne`e ita Ekaixá fali ba Planu Asaun Annual Munisípiu nian ne`ebe Ekáixa ba  Planu Dezenvolvimentu Intégradu Munisipal , Munisípiu Lautém nian hodi Aloka osan ba Projétu ida ne`e hodi realija , tamba ida ne`e Importante liu ba Movimentu Ekonomia Munisipiu Lautém nian.’’ Hateten Administradór Munisípiu Lautém Domingos Xáviu ba Jornalista sira , iha salaun Administrasaun Munisípiu Lautém Segunda 04/09/2023.

Entretantu; Kona ba Ida ne`e , Konselu Konsultiva Munisipal KKM , Aprova ona Planu ida ne`e , tamba Planu ida ne`e Kompleta ona ho Dezeñu no Planu Orsamentu ne`ebe Fiksu ona , hein Governu Sentral Aloka Orsamentu mai iha Munisípiu Lautém liu husi Programa PDIM ba tinan 2024.

 

 

Jornalista ; SdC

Editór ; NP

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x