LOSPALOS RCL VOX POPULY 20/10/2022= Institutu Nasional Sa`ude ga INS garante , Treinamentu ba Treinador ga TOT ne`ebe sira organiza ne`e , bele ajuda tècicu Profesional Sa`ude sira iha Municipiu Lautèm , tamba Matèria Treinamentu ne`e , la`os foun maibe mesak Tuan , no materia Treinamentu ida ne`e bele sai matadalan ba sira nia servisu iha terenu.
Formadora Nasional husi Institutu Nasional Sa`ude ga INS Graziela Mendez Ribeiru ba Jornalista RCL hafoin Abertura Treinamentu iha Salaun IADE Quinta feira ne`e hateten , Treinamentu ida ne`e sei hala`o durante loron 2 , ba tècnicu Profesional Sa`ude sira , ne`ebe mai husi kada Centru Sa`ude ida-idak iha Municipiu Lautem , no ida ne`e mòs hola parte ba Treinu ba Treinador ga TOT.
Nia mòs hateten tan , hafoin Treinamento ba Treinadòr ne`e remata , Partisipante husi nivel Centru Sa`ude ida-idak bele , Implementa tutan Treinamentu sira ne`e , ba professional Sa`ude sira iha sira nia servisu fatin , nune`e Informasaun ne`ebe INS fahe ne`e bele partilha to`o iha nivel baze.
‘’Treinamentu ida ne`e nudar Treinamentu ba Treinador ga TOT durante loron 2 , ne`ebe partisipa husi Tècnicu Profesional Sa`ude sira husi nivel Centru Sa`ude ida-idak , nune`e TOT Loron 2 ne`e remata , sira sei fila no kontinua fali treinamentu hanesan iha sira nia Centru Sa`ude ida-idak , nune`e Informasaun ne`ebe ami fahe ne`e bele partilha to`o iha baze , ami INS garante katak , Treinamentu ba Treinador ga TOT ne`ebe sira organiza ne`e , bele ajuda tècicu Profesional Sa`ude sira iha Municipiu Lautèm , tamba Matèria Treinamentu ne`e , la`os foun maibe mesak Tuan , no materia Treinamentu ida ne`e bele sai matadalan ba sira nia servisu iha terenu , Treinamentu ida ne`e mòs atu Intròdus Vasina Conzugadu Pneumococcal ga PCV , ba iha Programa Imunizasaun Rutina no Kampaña ba Vasinasaun Measles Rubela ,Oral Polio Vaccine ,Vitamina A , Albendazole , ne`ebe Integradu ho Vasina Covid-19 , ba tècnicu Profesional Sa`ude sira iha Municipiu Lautèm.’’ Hateten Formadora Nasional husi Institutu Nasional Sa`ude ga INS Graziela Mendez Ribeiru ba Jornalista RCL hafoin Abertura Treinamentu iha Salaun IADE Quinta feira 20/10/2022 ne`e.
Entretantu , Treianmentu ne`ebe organiza husi Institutu Nasional Sa`ude ga INS ne`e , hetan Apoiu tècnicu husi Ministèriu Sa`ude , no Apoiu Finanseiru husi Organizasaun Mundial Sa`ude ga OMS iha Timor Leste.
Jornalista:Cheche
Editor:NP
