Lospalos RCL VOX POPULY 2610/2022 = Xèfe Departamentu Pequaria no Veternària , Servisu Muncipal Agricultura Municipiu Lautèm , hateten , Maske Preparasaun Aimoruk Vasina ba Animal bo`ot no Ki`ik Menus , maibe Servisu Departamentu nian kontinua la`o , hodi atende Animal ne`ebe mak Moras iha Municipiu Lautèm.
Quarta feira ne`e , Xèfe Departamentu Pequaria no Veternària , Servisu Muncipal Agricultura Municipiu Lajutèm , Celestina da Costa ba Jornalista RCL iha nia Kna`ar fatin hateten, durante ne`e Tècnicu Servisu Pequaria no Veternària Municipiu Lautèm kontinua la`o hodi atende Comunidade sira nia Animal ne`ebe moras .
Nia mòs afirma tan , sira si pronto nafatin hodi halo asaun ba Moras Animal , liu-liu ba moras Manu ne`ebe dada`un ne`e mosu ona iha Municipiu Lautèm, maske Aimoruk Vasina ba Animal sira la Sufisiente .
‘’Durante ne`e Comunidade sira rasik mak Relata mai iha Servisu Municipal Agricultura nian , hodi husu Asistènsia Tècnicu ba sira nia Animal ne`ebe moras , entaun ami nia Tècnicu sira tun ba terenu hodi halo kurativu , maibe dala barak Preparasaun Aimoruk Vasina husi Governu , limitadu , ami halo reseita ba hirak ne`ebe iha Kbi`it atu buka rasik Aimoruk , nune`e Tècnicu sira uja hodi vasina ba sira nia Animal sira , hanesan Karau , Kuda , Bibi , Manu , no animal haki`ak sira seluk.’’ Xèfe Departamentu Pequaria no Veternària , Servisu Muncipal Agricultura Municipiu Lautèm, Celestina da Costa ba jornalista RCL iha nia Kna`ar fatin Quarta feira 26/10/2022 ne`e.
Husu kona ba Manu Moras ne`ebe dada`un ne`e mosu ona iha Municipiu Lautèm , Xèfe Departamentu ne`e Informa , Tècnicu sira Prontu atu atende , maske Aimoruk kurativa ba Moras Manu nian ne`e Menus , tamba Vasina Manu ne`e kada tinan , hala`o dala tolu Marsu , Julho no Novembru no Vasina ba Animal bo`ot ne`e tinan ida dala ida .
‘’Ita nia Tècnicu sira prontu atu fasilita , hodio halo kurativu ba Moras Animal sira , ba dada`un ne`e Aimoruk Antibiotik ba Vasina Animal bo`ot , no ba Animal ki`ik Hanesan Manu sira ne`e , ami nia Tècnicu sira prepara hela no hahu hatama ona Pedidu ba Pequargia Nasional , atu hatama Aimoruk Vasiksin ba Manu sira , ne`ebe sei hala`o iha Fulan Oin mai , bazea ba Kalendario ne`ebe iha Vasina ba Animal Ki`ik sei hala`o tinan ida dala 3 hanesan , Fulan Marsu , Julho no Novembru , no ba Animal bo`ot hanesan Karau no Kuda , ne`e tinan 1 dala 1 , Tècnicu sira Prontu atu atende , maske Aimoruk kurativa ba Moras Manu nian ne`e Menus.’’ Inforna Celestina
Entretantu , Parte Pequaria rekonyese katak , Moras Manu hahu Mosu ona iha Municipiu Lautèm , ne`e duni Parte Pequaria no Veternaria hahu iha ona Planu atu halo vasinasaun ba Animal Ki`ik , liu-liu ba Manu Moras iha Fulan Novembro oin mai .
Jornalista ; ANO
Editor ; NP
