LOSPALOS RCL VOX POPULY 29/01/2023= Partidu Libertasaun Populàr (PLP) Domingo 29/01/2023 ne`e , realija Konferensia Nivel Municipal ba da Ruàk (2º) iha Municipiu Lautèm , hodi haforsa no hametin Strutura PLP nian iha Nivel Municipiu hodi Kompete iha Elisaun Parlamento rihun Rua , Rua nolu resin Tolu (2023) nian , ne`ebe realija iha Salaun Paroquia São Paulo Lospalos.
Reprejentante Comisaun Politika Nasional , Mericio Juvinal dos Reìs Akara , ba Jornalista RCL hateten , Segundu Konferensia PLP nian iha Municipiu Lautèm ne`e , hanesan preparasaun Partidu PLP nian hodi Prepara Strutura iha nivel Municipal nian , antes tama ba Kongreso Nasional iha Fulan oin,
Meriçio mòs hateten tan , Konferensia nivel Municipal PLP nian ba dà Ruak ne`e mòs parte Reflèsaun no Avaliasaun servisu tomak ne`ebe durante tinan lima (5) hala`o nune`e bele hadia no haforsa diak liu tan iha Periodu tinan lima oin mai , nune`e bele hasa`e Votus iha Municipiu Lautèm .
‘’ Hau hakarak hateten de`it katak , Objetivu Primeiru husi Segundu Konferènsia iha Municipiu Lautèm ne`e , hanesan preparasaun Partidu PLP nian hodi Prepara Delegado no Delegada sira no Strutura iha nivel Municipal nian , antes tama ba Kongreso Nasional iha Fulan oin , nune`e mòs Parte preparasaun inisiu Partidu nian, atu haforsa no hametin Strutura PLP nian iha Nivel Municipiu , hodi Kompete iha Elisaun Parlamento 2023 nian. Objetivu Segundu mak Strutura no Militante sira bele hamutuk halo Reflèsaun no avaliasaun ba pogreso liu-liu kona ba Sa`ida mak hala`o ona , no sa`aida mak ita sida`uk hala`o , nune`e tinan 5 oin mai ita bele hamutuk hodi haforte mòs hola parte ba reflekasaun no avaliasaun ida , atu bele forte liu tàn , refòrsa sa`ida mak durante ne`e la`o di`ak no hadia naksalak sira hotu hodi hadia sistema nune`e bele sa`e Votus iha Municipiu Lautèm haforsa no hametin diak liu tan.’’ Hateten Reprejentante Comisaun Politika Nasional , Mericio Juvinal dos Reìs Akara , ba Jornalista RCL iha Salaun Paroquia São Paulo Lospalos Domingo 29/01/2023.
Nia mòs hateten tan , Konferènsia Municipal no Kongresu Nasional ne`e hanesan Prà Kondisaun ba Partidu Libertasaun Populàr (PLP) nian hodi Prepara A`an nune`e bele compete iha Elisaun Parlamento Nasional ne`ebe la kleur tan Prezidente da Repùblika sei termina iha Fulan oin.
‘’PLP inisia ho Konferensia Municipal nian ne`e hanesan Preparasaun strutura iha Nivel Municipal no strutura Municipal sei hetan orintasaun balun , hodi bele partisipa Kongresso Nasional hodi hili tàn strutura Nasional nian, tamba Konferènsia Municipal no Kongresu Nasional ne`e hanesan Prà Kondisaun ba Partidu Libertasaun Populàr (PLP) nian hodi Prepara A`an , nune`e bele kompete iha Elisaun Parlamento Nasional ne`ebe la kleur tan Prezidente da Repùblika sei termina iha Fulan oin.’’ Hateten Akara.
Entretantu; Militantes no simpatijantes Patidu PLP tengki, Hamutuk Haforsa no hametin ba Vitòria PLP nian iha Elisaun Parlamento 2023 , Respeita no rona malu , Unidade no Sòlidu hodi kria estàbilidade hodi lori Timor Leste ba oin.
Jornalista:ACI
Editor:NP
