LOSPALOS RCL VOX POPULY 27-02-2023 = Tinan ida ne`e , Conselho Combatetntes Libertasaun Nasional ga CCLN , sei fo oportunidade ba Martir no Verteranu nia oan sira atu asesu ba Programa Bolsu Studu ho total ema na`in atus Ida Ne`en nolu resin Lima iha kada Municipiu .
Secretàriu Executivo CCLN Municipiu Lautèm Fini Ponta Leste , ne`be jornalista RCL hasoru iha nia serviso fatin Segunda- feira ne`e hateten, iha tinan ida ne`e Minsitèriu Combantentes Libertasaun Nasional loke vaga bolsu estudo ba kada munisipio nune’e oan veteranus no martires sira bele asesu ba bolsu estudo , tamba kada Municipio presija ema na`in atus Ida Ne`en nolu resin Lima (165).
Secretàriu Executivo CCLN Municipiu Lautèm ne`e mòs afirma , husi total Benefisiariu Bolsu Estudu ida ne`e , kompostu husi Ensinu Baziku Filial hamutuk ema nain Sanolu ,Ensinu Bazicu Central ema nain Tolu nolu , Nivel sekundària hamutuk ema nain Lima nolu no Ensino superior universitario rai laran hamutuk Na`in Hitu nolu no Ensino superior ba rai liur hamutuk ema nain lima ho total orsamentu nebe Diferente .
‘’iha tinan 2023 ne’e Ministeiru Conselho Combatentes Libertasaun Nasional loke vaga Bolsu studu ba kada Munisipio Nune’e veteranus no martires sira nia oan bele asesu ba bolus studu refere ,tamba kada Munisipio presija ema nain 165 no husi total ema nain 165 ne’e fahe ba kategoria escola ensino bazico filial hamutuk 10, ensino bazico ba seggundu ano no terseiro ano hamutuk 30, ensino sekundària hamutuk 50 ensino superior universitario iha rai laran hamutuk 70, no ensino superior universitario iha rai liur hamutuk 5 ho kategoria orsamento ne`be diferente .’’ hateten sekertariado Ezecutivo Conselho Combatetntes libertasaun Nasional iha Municipiu lautèm Fini Ponta leste ba jornalista RCL hasoru iha nia serviso fatin Segunda 27/02/2023.
Fini Ponta Leste Declara , prosesu inskrisaun ba oan martires no veteranos ba Programa Bolsu Estudu ne`e estudo ne`e hahu iha loron rua nolu resin hitu fulan feveriero, to`o iha loron Rua nolu resin Walu fulan Marsu tinan rihun Rua Rua nolu resin Tolu liu husi Rekejito ne`ebe iha .
‘’ prosesu inskrisaun ba martires no veteranos nia oan sira nebe atu asesu ba bolus estudo foin mak loke nebe hahu iha loron 27/02/2023 no sei taka iha loron 28/03/2023,nune`e Kandidatu Benefisiariu ba Bolsu Estudu hirak ne`e , tengki mai regista ho formulario rekerimentu bolsu studu,kartaun elitoral husi kandidatu,Bilete de Identidade husi kandidatu,sertidaun baptismu ou sertidaun RDTL nia original ,dokumentus nebe komprova kandidatu matricula escolar ba tinan lètivu 2023 nian original, documentus ne`be komprova aproveitamentu eskolar husi kandidatu iha tinan lètivo ho rezultadu escolar ida-idak no media final kederneta escolar foto kopia,no konta bankaria husi kandidatu foto kopia.’’ Dehan Fini Ponta leste
Entertantu; ida ne`e hanesan Oportunidade ne`ebe brilante husi Ministèriu Assuntu Kombatente Libertasaun Nasional , ba Martires no Veteranu nia Oan sira , atu bele aplika hodi kontinua sira nia estudu , tamba Nasaun nia Dezenvolvimentu la`o ho diak , depende ba Rekursu Umanu ne`ebe ho kualidade.
Jornalista:Sili
Editor:NP
