Tuesday, June 18, 2024
spot_img
HomeFoto GaleriaDiretor geral Bombeirus agradese ba Servisu Administrasaun Laútém ne’ebé kontribui mos ba...

Diretor geral Bombeirus agradese ba Servisu Administrasaun Laútém ne’ebé kontribui mos ba processo rehabilitasaun edifisiu Korpu Bombeirus Laútém nian

RCL VP NEWS 29/11/2021

Komandante Nasional Bombeirus, Claudio Silva hatete, agradese ba Servisu Administrasaun Municípiu Laútém no instituisaun hot-hotu ne’ebé mos fo ona kontribuisaun ba rehabilitasaun edifisiu Korpu Bombeirus Laútém nian hodi bele fasilita Membro sira atu serbi komunidade sira iha Municípiu Laútém.

Komandante Geral Bombierus, Claudio Silva Kasu lia hirak ne’e ba Jornalista RCL hafoin halo inagurasaun ba Edificiu korpu Bombeirus Municípiu Laútém  iha eis Edificiu SAS Municípiu Laútém Bairro Kautu, Aldeia Lospala, Suku Fuiloro, Postu Administrativu Lospalos Segunda feira Semana ne’e.

Komadante Geral ne’e mos haktuir, Maske Edificiu refere Tuan Maibe Servisu Bombeirus Sente Suficiente ona hodi bele uza atu hala’o Servisu Bombeirus nian iha Municípiu ida ne’e tamba Bombeirus nia Existensia iha Municípiu Laútém atu tulun komunidade sira ne’ebe presija liu.

“Agrdese tebe-tebes Autoridades tomak iha Municípiu Laútém liu ba administrador municípiu no mos directores relevantes sira ne’ebé Ministeriu hot-hotu iha ne’e, ne’ebé fo sira kontribuisaun, oihin loron ami  hetan Edifisiu ida ne’e maske laos edifisiu foun maibe ba ami suficiente ona para ami bele hala’o ami nia servisu tamba durante ami nia prejensa iha ne’e katak ami mai iha ne’e laos buat hot-hotu Prontu, Bombeirus prontu atu servisu iha ne’ebé deit, naran aihun ida mos naran ami hala’o servisu, lona okos mos ami hala’o servisu, tamba ne’e ami hatudu katak ami nia perstasaun servisu ne’e mais importante ba ita nia komunidade, ita la ezize buat hot-hotu pronto mak ita servisu importante mak ita hatudu ita nia servisu ba komunidade sira,” dehan Claudio Silva ba Jornalista RCL hafoin Inagura Edificiu korpu Bombeirus Municípiu Laútém seginda feira  29/11/2021 ne’e.

Claudio ne’e mos husu ba Membru Korpu Bombeirus Municípiu Laútém atu serbisu ho Responsabilidade no tenke kuidadu instalsaun sira ne’e maske iha buat barak mak  sei menus maibe diresaun nasional sei esforsu halo planu hodi bele rejolve problema refere.

“Hau husu ba Komande Bombeirus Municípiu Laútem no mos nia membru sira katak servisu iha fatin ida ne’e ho responsabilidade tomak no Kuidadu ba instalasun ida ne’e e maske buat barak maka sei falata maibe iha diresaun nasional sei iha nafatin planu oinsa atu hadia no halo manutensaun ba futuru,” Claudio haktuir.

Entertantu: Director Nasional ne’e mos Husu  ba komunidade no Guvernu Lokal atu kontinua servisu hamutuk ho Bombeirus Municipal nian hodi bele Responde Dezestre ruma ne’ebé mak sei akontece iha Municipiu Lautem.

Jornalista :ito

Editor:Nascimento Provincial

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x