Com Lautem RCL VOX POPULY 31/03/2023 = Prezidente da Repùblika Timor – Leste , Josè Ramos Horta hateten , Iha Planu Estrategia Dezenvolvimento PED , Governo tengki halo adaptasun ba Ekonomia Foun iha Timor Leste , nune`e , sistema Ekonomia iha Nasaun ne`e bele la`o diak .
Liu husi Abertura Dialogu Komunitaria ho tema Kultura ba Dame iha Suco Com , Postu Lautèm , Municipiu Lautèm Sexta feira ne`e hateten tan , konstituisaun Tinan Rua nolu liu ona tengki hare , nune`e to`o iha tinan rihun Rua , Rua nolu resin Hitu (2027) bele aprende ho Problema sira ne`ebe mosu husi konstituisaun nia laran.
‘’Hau hakarak hateten , iha Planu Estratègia Dezenvolvimento (PED) , Governo tengki halo adaptasun ba Ekonomia Foun iha Timor Leste nune`e , sistema Ekonomia iha Nasaun ne`e bele la`o diak , konstituisaun tinan 20 liu ona tengki hare , nune`e to`o iha tinan 2027 bele aprende ho Problema sira ne`ebe mosu husi konstituisaun nia laran , ida mak ne`e iha Sistema ita nian ita hakarak saida , Sistema Prezidensialista ga sistema Parlamentar , laiha dualidade Podèr . Iha Indonesia , Asia , Àfrika kuaje hotu-hotu Prezidensialista , Portantu buat sira ne`e hau temi para ba oin Parlamento Atùal no Governu ne`ebe mai ho lideransa Politika , ita buka hadia para entrega ba gerasaun foun , Sistema foun ida ne`ebe que ita aprende mai husi tinan 20 nia laran.’’ Hateten Prezidente da Repùblika Timor – Leste , Josè Ramos Horta Liu husi Abertura Dialogu Komunitaria ho tema Kultura ba Dame iha Suco Com , Postu Lautèm , Municipiu Lautèm Sexta 31/03/2023.
Xèfe Estadu Timor Leste ne`e mòs husu ba Lider Politiku no lider komunitaria sira , atu hamutuk hodi kria estabilidade iha rai ida ne`e , tamba Komunidade Internasional sei la tau matan tàn wainhira krize ruma mosu fali iha rai ida ne`e , tamba problema bo`ot iha Mundu barak liu , la`os ba Timor Leste de`it .
‘’ Hau husu ba Lider Politiku sira no Lider Komunitariu sira iha Nasaun ida ne`e , atu buka hamutuk , labele kria instabilidade , tamba krize foun mosu fali , Komunidade Internasional sira , lakoi atu matan tan ona , tamba Problema bo`ot iha Mundu barak liu duque iha ita Nasaun Timor Leste , tan ne`e Hau husu ba Entidade hotu-hotu , tantu lider Politika no Lider Komunitariu sira , tengki kria estabilidade iha rai laran . Hau sei buka servisu hamutuk ho hotu-hotu atu kria Unidade iha rai ida ne`e nune`e ba oin ita bele hamutuk hodi bele hadia buat naksalak sira.’’ Hateten Xèfe Estadu Timor Leste.
Entretanto; Vizita Espesial Prèzidente da Repùlika iha Rai Lautèm , hanesan Vizita dahuluk , wainhira hetan Eleitu husi Povu iha tinan Kotuk liu ba , no ho Vizita Espesial ida ne`e atu bele rona no hare rasik problema Povu nian iha rai Lautèm. Lina
