Muapitine Lospalos RCL VOX POPULY 17/04/2023 = Industri Muapitine Candlenut Oil , ne’ebe Inisia husi Joven ida husi Suco Muapitine , lokaliza Iha Aldeia Pehefitu , Suco Muapitine , Postu Administrativu Lospalos , Segunda Feira ne’e hetan Inagura Direita husi Secretàriu Geral Partidu Fretilin , Mari`i Amude Bin Alkatiri.
Idustria ida ne`e rasik Estabelese iha Aldeia Pehefitu , Suco Muapitine hahu iha Fulan outubru tinan Rihun Rua , Rua nolu resin Rua (Outubru 2022 ) ho Kapital Fundu rasik husi Joven ida naran Hendrikus dos Santos ho montante Dolar Americanu rihun Hitu nolu ($ 70.000.00)
Diretòr kompañia Industria Muapitine Candlenut Oil (Sigla Ingles) Hendrikus dos Santos Iha Serimonia inagurasaun ne`e hateten , Nudar foin Sa`e Suco Muapitine ho Vontade no Responsabilidade bo`ot hodi Estabelese Industri Muapitine Candlenut Oil ne`e atu diversifika Ekònomia Povu nian liu husi Produtu Agrikula Povu nian , Hanesan Nu`u , Kami`i no Marungi
‘’Ho Estabelesimentu Industri Muapitine Candlenut Oil (Sigla Ingles) iha Aldeia Pehefitu , Suco Muapitine ne`e , bele hakbi`it Ekònomia Povu nian ho Direita no Indireita , liu husi Produtu Local , nomos diversifika Ekònomia Povu nian liu husi Produtu Agrikula no fo valor ba Produtu Lokal , Hanesan Nu`u , Kami`i no Marungi , hodi hasa`e Kresimentu Ekònomia Povu nian iha Baje , liu-liu iha Suco Muapitine ne`e rasik . Esbalesimento Industri Muapitine Candlenut Oil (Sigla Ingles) ne`e atu fo Apoiu ba Politika Governu nian kona ba Empregabilidade , tamba ne`e Industri Muapitine Candlenut Oil (Sigla Ingles) Rekruta ema Na`in 8 kompostu husi Feto no Mane no Ema ho Difisiensia ho salario Mensal tuir Standarijasaun SEFOPE nian , no Ami mòs Produs ona Mina Kami`i no Nu`u tonelada ba tonelada , no tama ona Mercadu Lokal no Nasional , maibe ami kontinua hetan Problema kona ba Merkadu no Fasilidade no Equipamentu Industria nian ne`ebe sida`uk sufisiente.’’ Hateten Diretòr kompañia Industria Muapitine Candlenut Oil Hendrikus dos Santos Iha Serimonia inagurasaun Muapitine Candlenut Oil Segunda Feira 17/04/2023
Iha fatin hanesan , Secrètariu Geral Partidu Fretilin , Mari`i Amude Bin Alkatiri hateten , Juventude sira tengki iha Solidaridade Atìva iha Dezenvolvimentu Ekononia , hanesan Joven ida Iha Muapitine estabelese Fabrika Produsaun Mina , ida ne`e Importante liu atu tulun ema fo Servisu ba Ema barak wainhira Fabrika ida ne`e bo`ot no buras ba bebe`ik.
‘’ Juventude sira tengki hatene prinsipiu fundamental Pàz no Estabilidade , mak primeiru iha Solidaridade , katak ita tengki buka dalan atu iha relasaun diak fasilita ho Solidaridade ba sira ne`ebe presija , liu esperensia hanesan Joven ida Estabelese ona Fabrika Produsaun Mina , ida ne`e Importante liu atu tulun ema , fo Servisu ba Ema barak wainhira Fabrika ida ne`e bo`ot no Buras ba bebe`ik , ida ne`e maka Solidaridade Atìva, ne`e ita nia Joven sira presija aprende ida ne`e.’’ Hateten Secrètariu Geral Partidu Fretilin , Mari`i Amude Bin Alkatiri .
Entretantu ; Fabrika ida ne`e Estabele husi Joven ida ne`ebe Servisu iha Inglaterra , no Fila mai nia Kapital Fundu rasik ho montante dolar Americanu $70.000.00 bele fò Sertvisu ba nia maluk sira , bele Diversifika Ekonomia Povu nian liu husi Sosa Produtu lokal , hanesan Kami`i,Nu`u no Marungi tahan , no ida ne`e ejemplu diak ida ba Joven hotu atu banati Tuir .
Jornalista ; Ever
Editor ; NP
