Lospalos RCL VOX POPULY 19-04-2023 = Ministèriu Justiça , foin lalais ne`e halo ona Rejolusaun hodi Aplika Estensaun Pasaporte Timor Leste Povu nian ne`ebe kaduka ga Invalidu ona , wainhira Uja atu halo Viajen ba Estràngeiru .
Diretòr Nasional Registo Notariadu Vitòr da Costa Neto ba Jornalista RCL iha Salaun Administrasaun Municipiu Lautèm Tersa Feira ne`e informa , temporariamente Ministèriu Justiça la halo ona atendimento ba Pasaporte Timor Leste nian , tamba preparasaun Kaderneta Pasaporte laiha ona , ho nune`e Ministèriu Justiça halo ona rezolusaun kona ba Estensaun Pasaporte ne`ebe Kaduka ona to`o iha fulan Maio rihun Rua , Rua nolu resin Ha`at (Maio 2024) Invalidu ona , hodi Fasilita Viajen ba rai liur.
‘’ Foin lala`is Ministèriu Justiça halo ona Rejolusaun ida , atu bele Extensaun ba Pasoporte ne`ebe Kaduka ona tamba , dada`uk ne`e Ministèriu Justiça sida`uk bele atende tratamentu Pasaporte Foun to`o iha Maio 2024 , nune`e husu ba Sidadaun Timor Leste ne`ebe iha ona Pasaporte ne`ebe kaduka ona , maibe hakarak atu halo viajen ba Liur bele halo Estensaun ho Karimbu Estensaun ne`ebe ami nia Dirasaun Geral prepara ona , no ho ida ne`e Fasilita ita nia Viajen ba rai liur , Ne`e primeiru ne`ebe ita rejolve ona liu husi Lejislasaun ida ne`ebe fò dalan ba sidadaun sira ne`ebe kaer Pasaporte kaduka atu bele halo Viajen.’’ Hateten Diretòr Nasional Registo Notariadu Vitòr da Costa Neto ba Jornalista RCL iha Salaun Administrasaun Municipiu Lautèm Tersa 18/04/2023.
Nia afirma , Minsitèriu Justiça mòs hahu asina ona Kontrato ho Kompañia ida ne`ebe , bele halo Produsaun Kaderneta Pasaporte Timor Leste nian , hodi fornese ba Ministèriu Justiça hodi bele atende hikas Povu sira.
‘’ Relasiona ho Preparasaun Kaderneta Pasaporte Timor Leste ne`ebe laiha ona , Ministèriu Justiça hahu iha fulan 1 liu ba , Asina ona Kontratu ho Kompañia ida ne`ebe atu responsabilija ba Produsaun Kaderneta Pasaporte hodi fornese ba Ministèriu atu bele atende hikas tratamento Pasaporte ba nia sidadaun ne`ebe presija , tuir informasaun ne`ebe nia iha katak , iha tempu besik Kompañia ne`e sei Fornese ona Kaderneta ba ita atu ita hahu reativa fali atendimento Pasaporte Timor Leste nian.’’ Nia Afirma.
Entretanto; Pasaporte Kaduka ne`ebe sidadaun iha , temporariamente sei Uja ba halo Viajen , maibe Presija halo Estensaun iha Dirasaun Geral Registo Ministèriu Justiça hodi tau karimbu estensaun nian.
Jornalista ; Sinta
Editor ; NP
