Lorè RCL VOX POPULY 20/04/2023 = Lautèm oan sira hamutuk Vizitantes Nasional, no Estrangeiru liu –liu Sientista sira , Quinta feira ne`e Vizita Suco Com , hodi Asiste Fenòmena Eklipse Solar Total iha , Tasi Ibun Suco Com , Posto Admimistrativu Lospalos , Munisipiu Lautèm , tamba Fatin ida ne`e mak Estratègiku ba Sientista sira , hodi asiste Akontesimento ne`ebe fenomenál tebes iha mundu.
Alende iha Suco Com , Komunidade Iha tasi Ibun Lorè , Postu Administrativu Lorè mòs Asisti Fenòmena ida ne`e , halo Gerasaun foun sira iha rai Lorè sente hakfodak , tamba ida ne`e foin akontese iha sira nia moris , no akontese mòs tinan Atus ida dala ida.
Tuir Komunidade ida iha Suco Lorè Segundo João da Costa fòs sasin katak , Akontesimento ida ne`e akontese ona wainhira nia parte sei ki`ik , no akontese hanesan ne`e Fulan taka loron kuaze Menutu Lima liu , maibe akontese agora lala`is deit .
‘’ Akontesimento ida ne`e akontese dala ida ona iha hau nia Moris , wainhira hau sei ki`ik , no akontese hanesan ne`e Fulan taka loron kuaze Menutu Lima liu , maibe akontese agora lala`is deit , no ida ne`e uniku , tuir beiala sira dehan Akontesimento ida ne`e akontese deit iha kada tinan Atus Ida , no ba ida ne`e hau Hare ba dala rua ona , uluk kuandu akontese ami hotu , halo lian buat ruma no hakilar ba Natureza atu hamosu lalais Loron Matan ba Mundu.’’ Dehan João da Costa ba Jornalista RCL iha nia Rejidensia Quinta feira 20/04/2023.
Alende ne`e , Eufràzio Mario hateten , Fenomena ida ne`e foin akontese iha hau nia moris , nune`e hau hakfodak maibe , hau kontente hodi asisti , Fenomena ida ne`e , tamba loron matan bele falun ho Fulan , hodi hamosu Nakukun iha rai ida ne`e .
‘’Akontesimento Fenòmena Natural ga hanaran Eklipse Solar ne`e , hau foin asiste iha loron no tinan ida ne`e , no halo hau hakfodak maibe hau mos kontente ho akontesimento ida ne`e , loron Manas bo`ot iha Tuku 14:21 maibe derepeti de`it rai nakukun ona ,tamba Fulan taka ba loron Matan , no ida ne`e hau sente katak , natureza iha duni no Sientista sira si`ik mòs los no klaru , tamba hau kontente lòs ne`ebe hau la uja oklu ne`ebe dehan kualidade , maibe hau uja de`it oklu metan bain,bain hodi asiste Fenomena Natural ne`e to`o remata .’’ hateten nia.
Entretanto; Maske Fenòmena ne`e akontese iha rai sorin de’it, iha parte lorosa’e nian, maibé Timor tomak sente , Fenomena eklipse solar ka hanarán loron mate ne’e interesante lo`os hodi atrai turista no sientista husi rai liur mai Munisipiu Lautém , hodi asiti iha Suco Com no iha tasi ibun Lorè , Postu Administrativu Lore.
Jornalista ; ANO
Editor ; NP
