LOSPALOS RCL VOX POPULY 25-05-2023 = Maske ho Kondisaun Defisiente Isin , Maibe Joaquina Manuel Freitàs , ne`ebe hela iha Bairo Laruara , Aldeia Central , Suku Fuiloru , Postu Administrativu Lospalos , Munisipiu Lautèm , kontinua hamioris Ekonomia Uma laran liu husi Suku Hena no Suku Tàis , tamba ida ne`e mak nudar Kampu Servisu ba nia Àn rasik.
Joaquina Manuel Freitas , Moris iha Suku Kakavei , Postu Administrativu Lospalos iha loron 13 fulan Junho Rihun Ida Atu Sia Hitu Nolu Resin Ne`en (13/06/1976) ne`e kada loron hala`o nia Atìvidade rutina ida , fo Atendimento ba Ema liu husi Suku Hena , no Tais sai Pasta no Brikedu sira seluk , nune`e bele fa`an hikas ba Merkado.
Joaquina Manuel wainhira Jornalista RCL Hasoru iha nia Rejidènsia , Quinta feira ne`e hateten , Produtu ne`ebe nia Iha , la folin tamba laiha Ema atu Sosa , maibe la hamate nia Espiritu , hodi kontinua , hala`o nia Servisu Rutina ida ne`e iha nia Rejidensia rasik , nune`e Husu ba Estadu atu bele tau matan netik ba Esforsu ida ne`e , tamba Fatin ne`ebe nia Haknàr ba ne`e , Fatin ida ne`ebe la Estrategia , atu bele fa`an nia Produtu .
‘’ Servisu ida ne`ebe hau halo ne`e kuaje Tinan 22 ona , tamba hau ho Kondisaun Defisiente labele halo buat seluk , Uniku hau nia Servisu mak Atende Ema Suku Hena , nune`e mòs hau Suku Tàis balun hodi , sai Pasta no Brikedu Sira seluk , dala barak hau nia Produtu ne`e hau ba Fa`an Iha Mercadu la folin , mais ida ne`e la hamate hau nia Espiritu hodi kontinua hala`o uda ne`e , tamba Uniku ida ne`e mak bele Sustenta hau nia Ekonomia Uma laran nian . Hau nia Produtu sira ne`e sei folin Wainhira iha Feira ba Loron Bo`ot nian , maibe liu tiha ida ne`e , hau nia Rendimento laiha ona , tamba Hau nia Produtu sira ne`e rai hela iha Hau nia Rejidensia rasik dòk husi Estrada , nune`e dala barak la Folin mais hau Pasensia de`it , tamba ida ne`e mak Konsekuensia Moris nian , Hau husu ba Estado , se bele karik Oferese Fatin ne`ebe Estratègiku ba hau , atu sai hanesan Hau nia Sentru Produsaun ba Produtu ne`ebe hau halo , Hau dala barak , hato`o ba Parte Estadu liu-liu Ministèrio Solidaridade Sosial , no Asosiasaun Nasional Ema ho Defisiensia sira , maibe to`o agora laiha rejultado , ne`eduni hau husu dala ida tan liu husi Media ida ne`e , atu bele rona netik hau nia halerik ida ne`e , tamba buat hotu hau Husu hotu ba imi , no imi bo`ot sira mak sei responde.Hateten Joaquina Manuel Freitàs ba Jornalista RCL iha nia Rejidensia Laruara Quinta 25/05/2023.
Nia mòs hateten tàn , Uma ne`ebe nia parte hela ba ne`e , nùdar Patrimoniu Estado nian , no nia parte kada fulan Selu Dolar Amerikanu Sanolu ($10.00) nune`e kada tinan nia Selu ba Estadu ho Montante Atus Ida Rua nolu dolar Amerikanu . ida ne`e mòs nia parte Selu husi Subsidiu ne`ebe Governo Oferese ba nia.
‘’Uma ne`ebe hau Uja ba hau nia Rejidènsia ne`e , hanesan Patrimòniu Estadu nian , nune`e kada Fulan Hau tengki Selu $10.00 , no tinan ida hau tengki Selu $120.00 ba Kofre Estadu liu husi Dirasaun Tèrras Propriedade nian konta bankaria, ida ne`e mak Difikulta ba hau nia moris , durante ne`e hau mòs laiha Hela fatin , nune`e hau Dejenraska uja Propriedade Estadu nian , maske hau tengki Selu kada Fulan , Nune`e hau husu karik Estadu iha hanoin , bele fasilita mòs Uma ida ne`ebe Dignu ba Hau , Maske hau ho Kondisaun Defisiente , maibe hau mòs iha kontribuisaun ba Dezenvolvimento Nasaun nian , no Iha Direito atu hetan tulun husi Estadu.’’ Tenik nia.
Entretanto; Maske ho Kondisaun Defisiente , maibe nia parte Desidi hodi Hela mesak , tamba nia Familia hela ketak iha sira nia Rejidensia rasik , Nune`e Presija Atensaun husi Estadu , se la`os Sira , semak bele hatàn lian halerik ida ne`e.
Jornalista;Linda
Editor;NP
