Lospalos RCL VP 01/02/2024 = Narativa Osan ba Implémentasaun Programa Merenda Eskolar (PME) Iha Munisípiu Lautém , Maibe sida`uk Implementa , tamba sei iha Faze Dezeña Proposta husi Responsavél Munisípal Merenda Eskolar iha Munisípiu Lautém , tamba Osan iha Ona Finansa Munisipiu nian .
Xéfi PME Munisípiu Lautém Anjelu da Costa Lopes ba Jornalista RCL iha nia Knaár fatin Quinta feira ne`e hateten , nia Parte Simu Ona Narativa Osan Husi Ministériu Edukasaun ba Programa Merenda Eskolar ba tinan ida ne`e nian , maibe sida`uk bele Implementa , tamba sei iha Prosesu nia laran .
‘’Osan PME ba Munisípiu Lautém Ami hetan ona nian Narativa husi Ministériu Edukasaun , no dada`un ne`e Osan ne`e iha Konta Finansa Munisípiu nian , hein orientasaun husi Parte Finansa Munisípiu , entaun Ami bele halo Poropsta transferensia ba Kada Konta Eskola nian , hafoin bele Implémenta , Lolos ita hahu ona iha Inisiu Janeiru 2024 , maibe tamba sei liu husi Prosesu , maibe fiar katak ita sei Implémenta iha tempu badak .’’ Hateten Xéfi Programa Merenda Eskolar Munisipiu Lautem Angelo Da Costa Lopes 01-02-2024)
Entertantu;Dadus Alunu husi Kada Eskola Públiku husi Pré Eskolar to`o Ensinu Báziku Filial no Sentral , to`o agora sida`uk tama , ne`eduni sei hein Prosesu ida ne`e , nune`e mós Orientasaun husi Finansa Munisípiu sida`uk iha. CCFREN
