LOSPALOS RCL VOX POPULY 31-05-2023 = Komunidade Munisìpiu Lautèm , ne`ebe durante ne`e sai Konsumidor ba Fòs iha Merkadu Lospalos sente tristi , tamba Folin fòs kontinua Sa`e no laiha Mudansa , nune`e Povu Kbìt La`ek labele asesu ho Folin Fòs ne`ebe às iha Merkadu .
Komunidade ida iha Bairo Sawarika , Aldeia Lospala , Suku Fuioloru Odete Pintu ba Jornalista RCL hateten , nia parte sente Tristi , tamba Folin Fòs iha Merkadu kontinua sa`e , Husi Dolar Amerikanu Sanolu Resin Tolu sae ba Dolar Amerikano Sanolu resin Ne`en ba Kilograma Rua nolu resin Lima ($.13.00- 16.50 25kg no Husi Dolar Amerikanu Sanolu resin Hitu sa`e ba Sanolu resin Sia , Sentavos Lima nolu ba Kilograma Tolu nolu ($17.00 – 19.50 kg 30) , nune`e Husu ba Estadu , liu-liu ba Parte ne`ebe relevante , atu kontrola folin sasan iha Merkadu sira , liu-liu folin Nesesidade Bazika , tamba ho folin ne`ebe sa`e derepenti , halo Komunidade sira Susar atu asesu .
‘’Hau sente triste tebes , tamba Folin fos sae Derepente Ne’e Halo Hau Nùdar Komunidade Dejempregu labele asesu ho Dinamika Folin Fòs ida ne`e , tamba fos kilograma 25 Baibain US 14.00 sae ona US 16.50 ,no Kilograma 30 ne’e Baibain US 17.00 , sae ba 19.50 , hodi ida ne’e hau nudar komunidade baibain no laiha serbisu , ami atu foti osan iha ne’ebe hodi bele hola fos ne’e , no ami ho familia barak iha Uma ida Konserteja , susar ba ami atu asesu ba Folin fòs ne`ebe kontinua Sa`e , tamba fos ne’e importante ba ita ema nia vida no tempu agora ne’e labarik sira mos hahan to’os nian ne’e lahatene han ona so sira toman deit fos, nebe husu nafatin ba governu oin mai hodi bele hare netik Folin fos iha Merkadu sira.’’ Hateten Odete Pintu Odete Pinto ba Jornalista RCL Quarta 31-05-2023.
Relasiona ho ida ne`e Na`in ba Loja Kalape Smart Joanina Kalape no Loza Na`in Euriko Dos Santos hateten , Folin fòs ne`ebe iha ne`e , bajea ba Folin husi Nasional , tamba sira mòs hola tutan , nune`e fos ho Kilograma Rua nolu resin Lima Husi Dolar Amerikanu Sanolu Resin Ha`at , sae ba Dolar Amerikano Sanolu resin Ne`en Sentavos Lima nolu , no Fos ho Kilograma Tolu nolu ho foli Husi Dolar Amerikanu Sanolu resin Hitu sa`e ba Sanolu resin Sia , Sentavos Lima nolu , tamba ami fa`an tutan atu bele bele hetan netik Lukru .
‘’ Folin fòs ne`ebe iha ne`e bajea ba Folin husi Nasional , tamba sira mòs hola tutan , nune`e fos ho Kilograma Rua nolu resin Lima Husi Dolar Amerikanu Sanolu Resin Ha`at , sae ba Dolar Amerikano Sanolu resin Ne`en Sentavos Lima nolu , no Fos ho Kilograma Tolu nolu ho foli Husi Dolar Amerikanu Sanolu resin Hitu sa`e ba Sanolu resin Sia , Sentavos Lima nolu , tamba ami fa`an tutan atu bele bele hetan netik Lukru . Hau sente Fos Nebe Folin ami hasae iha ami nia Loja ne’e tamba ami mos ba hola iha Dili mak mai fa`an tutan iha ami nia loja ne’e so ami hetan lukru S1.00 ou S 1.50 Dolares Amerikanu no maski ami hetan lukru ki’ik maibe ami tenki fa’a tamba hetan lukru oituan oituna mak tau hamutuk hodi ita bele sustenta ba ita nia uma laran , wainhira Sasan Sae Nafatin Bebeik no povo sira kiak ba bebeik nafatin hodi ida ne’e Governo oin mai tenki tau atensaun ba folin sasan nebe sae ne’e liu-liu ba fos No Masin Midadr Ne’e ,Tamba Fos Ho Masin Midar Ida ne’e Consumidor Sira Consumu Iha Lor-Loron Ho Ida Ne’e Governo Oin Mai Tenke Tau Matan Nafatin Ba Folin Sasan Hirak Ne’e No Bele Hatun Nia Folin Atu Ami Loja Nain Sira Fa’a Tutan Mos Comunidade sira Hola Ho Kbi’it Nebe Iha ’’Dehan Joanina no Euriko Dos Santos
Entertantu:ho Dinamika Folin Fòs iha Merkadu ne`e , Povu Lautèm husu ba Governu Atùal no Governo foun oin mai , atu bele Kontrola Folin sasan iha Merkadu ho Rutina , tamba Kompañia sira ou Vendedor sira dala ruma Inventa rasik Folin , hodi manan Lukru ne`ebe Bo`ot , hodi fò kulpa hikas ba Governu.
Jornalista;sisi
Editor;NP
