Lospalos RCL VOX POPULY 07-06-2023 = Komunidade ne`ebe sai Implementador ba Programa Mão de Obra Postu Administrativu (PMOPA) iha Suku Kakavei , Leuro no Soru , Orguilho Programa Maun de Obra ka PEMOPA tinan rihun Rua Rua nolu resin Tolu (2023), tamba liu husi programa PEMOPA ida ne’e bele halo Ambiente Seguru no Saudavel , nune`e mòs bele rekupera Ekonomia Povu nian.
Xèfe Aldeia Sòru- lu`a , Suku Soru Postu Administrativu Lospalos Municipio Lautèm Julio Frenandes ne`ebe Jornalista RCL hasoru Soru-lu`a quarta feira ne’e hateten , nia parte sente Agradese no orgulho ba Implementasaun program PMOPA nian , tamba bele hafanu nia komunidade hodi bele halo Limpeja iha Ambiente Estrada nian iha aldeia refere , no bele mos ajuda nia komunidade nia Ekonomia.
‘’Nudar Autoridade Local iha Aldeia Sòru-Lua Agradese no sente orgulho ba programa PMOPA nian ne’ebe implemta iha Ami nia Aldeia ,tamba liu husi Programa ida ne’e Ami nudar autoridade lokal sei orenta nafatin ba Ami nia komunidade sira , atu halo limpeja hodi hamos dalan nini sira iha ami nia Aldeia, no programa ida ne’e mos bele ajuda Ami nia komunidade hodi hetan osan liu husi aktividade limpeja ‘’. Dehan Chefi Aldeia sòru- lua suku soru Postu Administrative Lospalos Municipio Lautèm Julio Fernandes ne’ebe Jornalista RCL hasoru iha Aldeia Sòru-Lua Quarta feira 07/06/2023
Iha fatin seluk inan feto husi Aldeia Paihira Suku Kakavei Kristina da Costa no Rita Amaral mos hateten katak , Maski orsamentu ba aktividade Limpeja ida ne’e là tuir duni sira nia hakarak , maibe sira nafatin involve an iha programa limpeja ne’e , tamba programa nudar programa estadu nian,atu Orienta Komunidade ba Moris iha Ambiente ne`ebe Saudavel .
‘’ Maske orsamentu ba Aktividade Limpeja ida ne’e là tuir duni Ami nia hakarak , maibe Ami nafatin involve an iha programa limpeja ne’e tamba programa ida ne’e sai hanesan programa estadu nian,nebe Ami nudar povu tengki kontribui , hodi hamos dalan Ninin no bele taka Estrada sira ne’ebe kuak ho rai no fatuk , nune’e ambiete iha dalan Ninin iha Ami nia Aldeia bele mos no saudavel nafatin’’ . Dehan Kristina da Costa no Rita Amaral
Alende ne`e Komunidade ida husi aldeia Txaivatxa suku soru Venansio da Costa hateten , Limpeja ne`ebe sira halo ne`e , kada loron sei hetan Osan Dolar Amerikanu Lima ($5.00) , no Grupu ne`ebe Nomeiadu ne`e sei servisu durante loron sanolu , no ho Osan ida ne`e bele susten sira nia famili uma laran.
‘’Ami involve iha aktividade limpeja iha ami nia Aldeia durante loron sanolu 10 no husi loron 10 ne’e Ami hamos du`ut sira ne’ebe Moris iha dalan ninin no raut foer sira ne’ebe namkari iha Dala ninin, atu bele Mòs nafatin no liu husi aktivided limpeja ida ne’e kada laron ami sei hetan $5.00.’’ hateten Venansio da costa
Entertantu ;programa Pemopa iha faje primeoro iha postu administrative lospalos ne’ebe implemta iha suku kakavei ,leuro ,soru no Muapitini lao hodiak tamba komunidade husi suku hat halo ona sira nia kativide Limpeja hodi hamos dalan ninin sira iha sira nia Aldeia no suku .
Jornalista ; linda
Editor ; NP
