Lospalos ,Lautém RCL VOX POPULY 15/07/2023 = Atu sai Servidór Estadu ne`ebe diak , hodi servi Povu no Nasaun iha Estadu de Diretu Democrátiku , Timor Leste nian , labele hare ba Kòr , Rasa no Partidu , maibe tengki Servisu ho Indepedente , maske mai husi Partidu ne`ebe diferente.
Administrador Munisìpiu Lautém , Domingus Xáviu liu husi Abertura serimónia loron Nasional Fungsaun Públika iha Jimnajiu Lospalos Sabadu ne`e hateten , ho loron Fungsaun Pùblika Konvida ita atu refleta ita nia servisu hanesan servidor Estadu ne`ebe servisu ho Indepedente , no hakruk ba lei Fungsaun Públika ne`ebe Komisaun Fungsaun Públika estabele iha Nasaun ida ne`e.
Administrador ne`e mòs afirma , atu sai Servidor estadu ne`ebe diak , labele hare ba Kòr , Rasa no Partidu , maibe tengki mantein nafatin hodi sai servidor estadu ne`ebe lolos no Indepdente , la`os servisu ba Partidu , tamba Partidu hanesan Ponte ida atu hakat ba Estado de Direitu Demokratiku .
‘’ ho loron Fungsaun Pùblika Konvida ita atu refleta ita nia servisu hanesan servidor Estadu ne`ebe servisu ho Indepedente , no hakruk ba lei Fungsaun Públika ne`ebe Komisaun Fungsaun Públika estabele iha Nasaun ida ne`e . Atu sai Servidor estadu ne`ebe diak , labele hare ba Kòr , Rasa no Partidu , maibe tengki mantein nafatin hodi sai servidor estadu ne`ebe ho Indepdente , la`os servisu ba Partidu , tamba Partidu hanesan Ponte ida atu hakat ba Estado de Direitu Demokratiku . Ita sira ne`ebe sai servidor ne`e tengki sai servidor ba Nasaun , la`os Servidor ba Partidu , nune`e ita hotu tengki halo reflesaun ba ita nia servisu rasik , tùr hamutuk hodi sukat ita nia Progresu servisu , buat ne`ebe la`o diak ita Dejenvolve diak liu tan , no ita mòs tengki hamutuk hodi ultrapassa Dejafiu ne`ebe mak mosu durante ne`e. dala barak Servisu labele la`o ho diak tamba , ne`eduni Fungsionariu sira tengki hala`o servisu hodi Servi ba Nasaun no Povu Timor Leste , ita hotu tengki hamrik , kontribui ba malu hodi sai servidor ne`ebe ho Indepedentemente , tamba Fungsionariu Públiku mai husi Instituisaun Indepedente ne`ebe hanaran Komisaun Fungsaun Públiku ga (KFP).’’ Hateten Administrador Munisìpiu Lautém , Domingus Xáviu liu husi Abertura serimónia loron Nasional Fungsaun Públika iha Jimnajiu Lospalos Sabadu 15/07/2023.
Aman ba Munisìpiu Lautém ne`e mòs fiar katak , Fungsionariu Públiku iha Munsipiu Lautèm bele hamutuk Nafatin , tamba Munisìpiu Lautém sei kesi ho Kultura , hodi kontinua lori hamutuk hodi Dejenvolve rai ida ne`e , ho lia fuan ida katak Hamutuk Lautèm Forsa , Forsa Hamutuk Lautém bele .
‘’Fungsionariu sira ne`ebe servisu iha Munisipiu Lautèm hau fiar katak , kontinua fiar ba Kultura , fiar ba Heroi sira nia Sakrifisiu , tamba Lautém iha tempu Rejistensia koñesidu hoSeleiru ba Nasaun , ne`e duni sei sai mòs seleiru ba Dejenvolvimentu , ne`e duni hau fiar katak , Fungsionariu sira hotu sei hamutuk nafatin hodi Dejenvolve rai ida ne`e bajea ba Moto Lautém nian katak , Hamutuk Lautèm Forsa , Forsa Hamutuk Lautém bele , ho ita nia hamutuk ita hotu bele responde Mehi Lutador sira hodi sai kontinuador ba Luta hodi Liberta Povu.’’ Nia hakotu.
Entretantu ; Atìvidade ba Komemorasaun loron Nasional Fungsaun Públika ne`e mak hanesan Limpeja Geral , Misa Agradesimento no Semináriu loron ida , no Orsamento ba Selebrasaun ida ne`e mai husi kontribuisaun Fungsionariu sira ho Inisiativa .
Jornalista ; Anover
Editor ; NP
