ESG LAT Lospalos RCL VOX POPULY 17/07/2023 = Relasiona ho Ejame Sugundu Peridu 2º ne`ebe sei akontese iha Semana oin , Parte Eskola Husu ba Estudante husi Deçimo Ano to`o Finalista , iha Ensinu Secundariu Geral Lere Anan Timor (ESG LAT) Lospalos , atu Konsentra ba Estuda , hodi bele hetan Valor diak .
Diretòr Eskola Selestinu Soares ba Jornalista RCL , Segunda feira ne`e hateten , Preparasaun Materia Ejame nian iha Eskola refere ba dada`un ne`e kuaje remata ona , no hein Implementasaun iha semana oin loron Rua nolu resin Ha`at Fulan Julho rihun Rua , Rua nolu resin Tolu (24/07/2023).
Diretòr ne`e mòs husu ba Estudante sira atu Hakàs àn hodi Estuda Materia hirak ne`ebe mak Mestre Sira oferese durante Fulan Tolu nia laran , tamba hela Semana Ida de`it , hahu ona Ejame Segundu Periodu nian.
‘’ Ami nia Preparasaun ba dada`un ne`e , ami forma ona komisaun no kada Manorin Disiplina Prepara ona Materia Ejame no Elabora ona , kuaje Remata ona , no hein Loron 24/07/2023 atu implementa ejame , ne`eduni Hau Nùdar Aman ba Estudante sira iha ESG LAT Lospalos , husu ba Alunus sira husi Décimo ano to`o Finalista sira atu Estuda didiak ba Materia ne`ebe Manorin sira oferese durante fulan 3 nia laran , tamba materia Ejame sei la ses husi materia ne`ebe imi simu ona , Prepara imi nia àn didiak , kuida imi nia Saúde , tengki konsentra ba Estuda , labele halo buat seluk durante semana 1 nia laran , nune`e bao in bele hetan Valor diak.’’ Hateten Diretòr Eskola Selestinu Soares ba Jornalista RCL , Segunda 17/07/2023.
Nia Informa , total Alunu ne`ebe sei partisipa iha Ejame ba Segundu Periodu ba tinan ida ne`e , sei mantein ho Total Ejame Primeiro Periodu ho Total Rihun Ida , Ida (1001) no hirak ne`e preparadu ona hodi partisipa iha Ejame refere.
‘’Iha ne`e hau hakarak informa katak , Total Alunu ne`ebe sei partisipa iha Ejame 2º Periodu nian , sei la ses husi Nùmeru Alunu ne`ebe partisipa iha Ejame 1º Periodu nian , nune`e total Alunus husi Décimo ano to`o Finalista iha Eskola refere hamutuk 1001 pessoas , no na`in hirak ne`e preparadu ona , tamba hetan ona Bukae ba husi Manorin sira durante Fulan 3 nia laran , no Prosesu Ejame ne`e sei fahe ba Turnu Dader no Lokra`ik , tamba Sala de Aula sei kontinua Menus.’’ Hateten nia.
Entreantu , atu hetan Valor diak , Alunu Sira tengki hakàs àn hodi Estuda , tamba ejame sei hahu iha Semana oin , ho materia Ejame sei la ses husi , Materia eskola ne`ebe Manorin sira oferese iha loron efetividade eskola nian.
Jornalista ; Sili
Editor ; NP
