Leuro Lospalos RCL Vox Populy 08/08/2023 = Komunidade Suku Leuro , Postu Administrativu Lospalos , hamutuk ho Familia Martires , no Veteranu sira Ejiji ba Estadu , Atu Rekoñese Loron Levantamento Armada , 8 de agostu 1983 sai hanesan loron Nasional ida , hanesan Loron Nasional sira seluk , tamba loron ne`e mòs hanensan loron importante ida ba prosesu Luta Libertasaun Nasional to`o ukun rasik an.
Porta Vos Komunidade no Juventude Suku Leuro , Teofilu Sebastião Sarmentub liu husi Konferensia Imprensa iha Suku Leuro Tersa feira ne`e afirma , loron ida ne’e Populasaun iha teritoriu timor tomak simu ordén husi komanado da luta , atu halo asaun foti dejarma Kilat husi inimigu hodi apoiu FALINTIL bainhira Baze de Apoiu rahun, nunee bele hamoris fila fali luta falintil hasoru invazor sira.
Nia mòs hateten , Iha Loron Walu Fulan Agostu , tinan rihun Ida , atus Sia Walu nolu resi Tolu (8/08/1983) Povu sira liu husi Ordém Komandu da Luta konsege iha asaun levantamentu armada iha suku balun hanesan ; Mehara, Serelau ,Leuro Munisipiu Lautem inklui mos Cararas Munisipiu Viqueque.
Porta Vos ne`e mòs Deklara , ho razaun ida ne’e Komunidade sira ne`ebe sai Vitima, Mate restu, jerasaun no Autor ba Levantamentu refere hakarak Ejiji ba Estadu RDTL atu toma Konsiderasaun .
‘’ Ami Komunidade Suku Leuro , Postu Administrativu Lospalos , hamutuk ho Familia Martires , no Veteranu sira Ejiji ba Estadu atu rona Netik ami nia Ejijensia mak hanesan Tuir mai ne`e ; Em jeral ba Governu liu-liu ba Ministeriu Kompetente, Ministeriu Antigu Kombatente ba Libertasaun Nasional no Konsellu Kombatente Libertasaun Nasional hodi rekuñese loron levantamentu armada hanesan mos ho loron nasional sira seluk nebe vigora iha konstituisaun da RDTL.
Husu ba Reprejentante Povu iha Uma Fukun Parlamento Nasional , atu bele levanta asuntu loron historiku Levantamentu armada hodi bele hetan rekonesementu husi estadu iha futuru.
Husu ba Guvernu ou Ministériu kompetente atu kria lei hodi regula, organiza, fasilita no finansia atividade komemorasaun loron Levantamentu Armada kada tinan. Tanba hahu husi Timor Leste Restaura nia Indepedensia iha tinan 2002 to`o 2023 kontribuisaun finansia, material no moral ba komemorasaun levantamanetu armada mai deit husi esforsu inan aman no komunidade suku Leuro , no nunka hetan apoiu material, finasial ka moral husi parte instituisaun relevante.
Ejijénsia ne`ebe ami hato`o liu husi Konferensia Imprenssa ne`e , wainhira la iha Atensaun husi Governu , liu-liu Minstério ne`ebe Relevante , ami kontinua Ejiji kada tinan , to`o hetan nia rejultadu.’’ Hateten Portavos Komunidade no Juventude no Familia Martir Libertasaun Nasional Suku Leuro , Teofilu Sebastião Sarmentu liu husi Konferensia Imprensa iha Suku Leuro Tersa 08/08/2023
Entretantu; Ejijénsia Komunidade familia Martires no Autor Levantamentu Armada, iha Suku Leuro sei kontinua Ejiji ba Estadu to`o hetan nia Rejultadu , tamba Levantamentu Armada ne`e mòs nudar Prosesu ida iha Periodu Luta Libertasaun Nasional.
Jornalista ; Linda
Editor ; NP
