LOSPALOS RCL VOX POPULY=Guvernu Lokal Louva ema Hotu nia Kontribuisaun no kolaborasaun liu-liu servisu Komisaun Nasional Eleitoral (CNE) Municipiu Lautem nian ba ELeisaun Prezidensial tinan 2022 nian , tamba bele lori prosesu Eleisaun la’o hakmatek iha Municipiu nia laran.
Sekretariu Municipiu Lautèm , Jacinto da Costa liu husi abertura Serimonia Agradesimentu ba ELPERS ne’ebe Organiza husi CNE iha Ginazio Municipiu Lautem Tersa feira 17/05/2022 ne’e hatete, nudar Autoridade Lokal iha Municipiu ida ne’e , agradese no orguilho tamba durante Eleisaun Prezidensial tinan 2022 iha Municipiu Lautem ne’e la iha Krime ruma ne’ebe akontese hanesan iha Municipiu sira seluk.
“kontente no haksolok tamba tinan ida ne’e ita halo eleisaun dala rua tuir tuir malu la iha konflitu, la iha problema , fatin seluk ita rona buat oin-oin , maibe iha rai Lautem nudar Timor nia Ulun, rai Lulik Timor-Leste nian, halo buat ida sempre hanoin uluk ho nia Ulun , halo buat ida ho Ulun Malirin, laran luak laran kmanek ba rai ida ne’e ba ema hotu-hotu , tamba ita eveita ita nia a’an husi konflitu oi-oin , maske ita iha interese maibe interese bo’ot liu mak Rai ne’e nia hakmatek, nasaun ne’e nia hakmatek, tamba ne’e povu no hahu husi ita ida-idak fo koloborasaun diak, kontribuisaun diak ba presesu tomak ne’ebe ita hakat liu dadauk ona , tamba ne’e agradese ba ema hotu nia kontribuisaun liu –liu Orgaun Eleitoral sira,” hatete Jacinto.
Iha fatin hanesan Komandante Polisia Municipiu Lautem, Superintidente Policia, Antonio Rego Fernandes mos haktuir, hanesan Autoridade Siguransa mos agradese tamba ho kontribuisaun husi CNE bele ajuda ona Policia sira hodi asegura siguransa iha tempu kampaña to`o loron eleisaun prezidensial iha Municipiu ida ne’e.
“husi Komandante PNTL no Strutura Tomak fo agradese no obrigadu wain ba ema hotu nia partisipasaun durante eventu especial ne’ebe ita liu daduk ona , liu-liu ba ita nia eleisaun prezidensial ba primeira ronde no segundu ronde nian ne’ebe ita ultrapassa ho situsaun ne’ebe ke diak I espera katak ita kontinua halo hahalok ne’ebe ita halo ona, iha primeira ronde ita iha susesu ne’ebe bo’ot tamba ita iha kandidatu nain 16 no ita nia memebru PNTL ne’ebe limitadu maibe la lakon espernsa ba ita hotu nia marka prezensansa iha ne’e hodi kolabora ba malu no kontribui ba malu oinsa bele halo seguranasa diak ba eleisaun ida ne’e,” haktuir Antonio.
Komisario CNE, Olavio da Costa monteiro Almeida hatete, Serimonia agradesimentub ELPRES 2022 nian ne’ebe organiza husi servisu CNe Lautem ne’e hanesan atu ensera prosesu eleisaun prezidensial tinan 2022 nian I no mos oinsa atu haree fali ba prosesu eleisaun tuir mai.
‘’ Serimonia ida ne`e nudar Tradisaun ida nebe ita sempre halo , wainhira inisia Servisu ida no wainhira finaliza tengki akompaña ho serimonia , atu nune`e bele reflekta atividade nebe ita ultrapassa ona , agora serimonia nebe ita hala`o dada`uk ne`e ita atu ensera ita nia servisu ba prosesu Elisaun Prèzidensial nebe ita ultrapassa ona , no ida ne`e nudar serimonia agradesimentu ida ba pùblico ni servisu hamutuk durante Prosesu elisaun sira la`o iha ita nia nasaun , liu-liu iha Municipiu Lautèm no ita hotu bele tau hanoin fali ba iha Elisaun tuir mai , tamba ho ita nia hamutuk bele halo susesu servisu hotu-hotu .’’ Hateten Comisariu CNE
Entertantu: Serimonia Agradesimentu ba ELPRES tinan 2022 ne’ebe organiza iha Ginajio Lospalos TErsa Feira ne’e la’o diak tamba hetan partisipasaun maximu husi Ofcial Supervizaun Eleitoral, Membro PNTL, AUtoridade Lokal no Lider Komunitario sira.
Jornalista:Ito&ever
Editor:NP
