Lospalos RCL Voxpopuly 10/08/2023 =Kompañia ne`ebe Manan ona Tender ba Projètu Estrada Rural iha Àrea Txài, Suku Loré Primeiru, Postu Administrativu Loré , Munisìpiu Lautém , sida`uk bele implementa sira nia servisu , tamba Udan Kontinua tùn Makàs iha fulan ida ne`e .
Ba Jornalista RCL iha nia Knàr fatin Diretòr Kompañia Zoro Construction Unipessoal Lda, Elia Wong hateten , nia kompañia sidauk bele hala’o nia Projètu Rehabilitasaun Estrada dirasaun Puasoru to`o Puarenara Aldeia Txài no Titilari Suku Loré Primeiru ho Kilometru Rua , tamba Udan sei kontinua tùn maka`as.
Na`in ba Kompañia ne`e mòs rekonyese katak , Lolos Projectu rehabilitasaun ba Estrada iha Aldeia Chai no Aldeia Titilari ne`e la`o ona iha Loron 30 Fulan Juñu rihun Rua , Rua nolu resin Tolu (30/06/2023), maibe tamba Mudansa Klimatika.
Elia Wong Mos hateten, Kompanha Zorro Contruction aloka ona material sira ba iha baze ona hein hodi halo servisu , maibe tamba Mudansa klimatika nebe mak akontese ne’e mak fo impactu ba kompanha refere.
‘’To`o agora hau nia kompañia sida`uk bele hala’o nia servisu ba Projètu Estrada rural dirasaun Puasoru to`o Puarenara Aldeia Txài no Titilari , Suku Loré Primeiru ho Kilometru 2 , tamba Udan sei kontinua tùn maka`as , Lolos Projectu rehabilitasaun ba Estrada iha Aldeia Chai no Aldeia Titilari ne`e la`o ona iha Loron 30/06/2023, maibe tamba Mudansa Klimatika , Maibe hau nia Mobiliariu ga Equipentu no Armagen hahu iha Txài ona hodi uja ba Servisu , maibe tamba Mudansa klimatika nebe mak akontese ne`e mak fo impactu ba kompanha refere.’’ Hateten Diretòr kompañia Zoro Contruction Unipesoal Lda, Elia Wong ba Jornalista RCL iha nia Rejindensia Quinta 10-08-2023.
Nia haktuir , Komunidade iha àrea refere kopera tebes , tamba nia parte hahu ona Enkontru ho Komunidade sira , kona ba lala`ok Servisu nian , no tuir Planu Komunidade sei Prepara Fatuk , nune`e mòs Envolve iha Servisu ba Obra ida ne`e.
‘’ Komunidade iha àrea refere kopera tebes , tamba nia parte hahu ona Enkontru ho Komunidade sira iha loron kona ba lala`ok Servisu nian , kona ba Fatuk hodi nahe ba Estrada ne`e , Hau fò hatene ona Komunidade atu Prepara depois ita bele sosa husi sira , alende Komunidade balun mòs rejista Án ona hodi Envolve iha Servisu ba Obra ida ne`e, tamba Hau nia Kompañia sei fo servisu ba Ema husi Aldeia 2 ne`e.’’ hateten nia .
Osamento Estadu ne`ebe aloka ba Kompañia Zoro hodi Implementa Projétu Rehabilitasaun Estarada ho Kilometru Rua ho balun ne`e ho montante , Dolar Amerikanu Rihun Atus Lima , Lima Virula Atus Sia Hitu nolu Sentavus Ha`at nolu resin Hitu ($505,970,47) ho durasaun tempu Tinan Ida.
Entretantu ; Projétu Estrada Rural iha Suku Loré Primeiru ne`e , manan husi Kompañia Rua mak hanesan Kompañia Dyxnaza Unipessoal Lda no Kompañia Zoro Construction ho durasaun tempu tinan Ida .
Jornalista ‘ SYLY
Editor ; NP
