Lospalos RCL Voxpopuly 10/08/2023 = Administrador Munisìpiu Lautém , Quinta feira ne`e hala`o Serimònia termu Entrega Kareta Estadu nian foun ho Marka Triton , ba Administradòr Postu Administrativu (APA) Ha`at , Kompostu Husi Loré , Lautém , Iliomar no Luru ne`ebe pertense ba Munisìpiu Lautém , iha salaun Administrasaun Munisìpiu nian.
Administrador Munisìpiu Lautém , Domingus Xáviu liu husi Serimonia Termu Entrega ne`e hateten , Preparasaun Kareta Estadu Foun ba Faje Primeiru , ba Postu Ha`at Mak hanesan , Postu Administrativu Loré , Lautém , Iliomar no Luro , Enkuantu Postu Tutuala no Lospalos tama ba Faje Segundu nian , tamba sira nia Kareta sei diak no bele uja.
Administradòr Munisìpiu ne`e mòs Subliña , Kareta ne`ebe Estadu oferese ne`e , ida ne`e importante liu , atu fasilita ba servisu Estadu nian iha nivel Postu , Munisìpiu no Nasional , la`os ba Privadu , tamba atu servì Povu ho Efisiente , Estado iha Obrigasaun atu fasilita Transporte , liu-liu Kareta .
‘’Kareta ita sosa ona , Administrador Postu Administrativu sira tengki uja ho responsabilidade , tamba kareta ne`e , Povu nian hodi fasilita ita nia servisu , Sosa ho Povu nia osan nune`e hau husu ba imi ne`ebe hetan ona Kareta , atu kuriji ba imi nia kondutòr sira , atu bele tau matan no halo manutensaun ho didiak , tamba Estado sida`uk iha Kbi`it atu Sosa Kareta kada tinan , ba Administrador Postu Administrativu sira tamba Orsamentu Geral do Estadu kada , la`os ba Kareta de`it , maibe aloka ba Buat barak ne`ebe benesia ba Povu no Nasaun nia Dejenvolvimentu , lolos ne`e ita sosa Kareta 6 ba Postu hotu-hotu , maibe Struturamente Munisìpiu Lautèm nian sida`uk kompletu , Dirasaun 2 hanesan Dejastre Naturais no Seguransa Alimentar sida`uk estabelese iha ita nia Munisìpiu.’’ Hateten Administrador Munisìpiu Lautém , Domingus Xáviu liu husi Serimonia Termu Entrega Kareta APA 4 nian iha salaun Administrasaun Munisìpiu Lautém Quinta 10/08/2023.
Autòridade Màximu Munisìpiu Lautém ne`e mòs Deklara , Kareta Rua ba Administrador Postu Rua Hanesan Tutuala no Lospalos nian , sida`uk bele sosa , tamba kareta ba Postu hirak ne`e sei diak , nune`e sei tama iha faje tuir mai fali.
‘’Kareta ba Administrador Postu Tutuala no Lospalos ne`e , ita sida`uk bele sosa , tamba sira nia kareta ne`e sei diak , no sei bele fasilita sira nia servisu , ne`eduni sira sei bele agoenta ho ida ne`e , Osan ba Kareta 2 ho Dirasaun 2 ne`e ita uja ba Kontrusaun Edifisiu foun ne`ebe estabelese iha Ambiente Administrasaun Munisìpiu nian , ba APA sira ne`ebe sida`uk iha Kondutòr , tengki Rekruta Imediata Kondutòr , tamba APA sira sei labele lori rasik sira nia kareta , labele konsidera kareta ne`e Estadu nian , ne`ebe saruntu de`it , maibe Kareta ne`e Povu no Estadu nian , hodi fasilita ita nia servisu ba Servidòr Estadu no Povu , nune`e ita preija Kuida didiak to`o durasaun tempu ne`ebe termina.’’ Hateten nia
Entretanto;Kareta Administrador Postu Ha`at ne`e hanesan Kareta ho modelu foun , tamba kareta ho Marka Triton ne`e hanesan kareta Lùxu ida , no Administrador Postu Ha`at mak Uja Primeiru iha Munisìpiu Lautém.
Jornalista ; Ano
Editor ; NP
