Lospalos RCL Vox Populy 04/09/2023 =Proléma Folin Fós ne`ebe Sa`e iha Munisípiu Lautém , Parte Servisu Munisípal Gestaun Merkadu no Turísmu (SMGTM) levanta Ona ba Autoridade de Inspésaun no Fiskalijasaun Atívidade Ekonomika , Sanitária no Alimentar (AIFAESA) Nasional , tamba sira mak iha kompetensia ne`ebe bo`ot hodi kontrola Folin sasan iha Merkadu no Loja sira.
Diretór Servisu Munisípal Gestaun Merkadu no Turismu Munisípiu Lautém Domingus Sequeira ba Jornalista RCL iha nia Knár fatin Segunda feira ne`e Infórma , relasiona ho Folin fós ne`ebe Sa`e , iha Merkadu no Loza sira ne`e , nia parte foti ona dadus no relata ona ba AIFAESA iha Nasional , tamba sira laiha Kompetensia hodi kontrola Folin Sasan iha Merkadu.
Nia mós Deklara , atu halo kontrolu ba Folin sasan , liu-liu Fós iha Merkadu no Loja sira iha , nivel Munisípiu tengki ho Baze legal ne`ebe Fortè , maibe nia parte atualija ona dadadus kona ba Foliin Fós ida ne`e no relata ona ba AIFAESA Nasional , tamba sira maki ha Kompetensia ne`ebe bo`ot hodi Kontrola.
‘’Koalia kona ba kontrola folin Sasan , tengki iha Baze Legal Kompleta , tamba lei ne`e fahe ona Kompetensia ba Instituisaun Governu ida-ida , ne`eduni kona ba Kontrola folin Fós ne`e Kompetensia AIFAESA , la`os Kompetensia Gestaun Merkadu iha Munisípiu nian , maibe ami la`os túr deit , relatoriu ami hatama ona , ami mós tún foti dadus no relata direitamente ba AIFAESA , no parte AIFAESA hateten ba Hau (Gestaun Merkadu) katak iha Buat 3 ne`ebe implika ba Folin Fós ne`ebe sa`e mak hanesan , Folin fós Sa`e husi Nasaun Importadór sira , Portu Dili muda ona ba Tibar Uluk kuandu iha Dili Táxa ba Kontainer ida ho Présu $50.00 maibe wainhira muda ba Tibar entaun Présu kada Kontaine ho Folin $300.00 , nune`e mós ita nia Governu Anterior hasa`e táxa kona ba Masin Midar no Asugarade sira buat hirak ne`e mak Prejudika ba Folin iha Merkadu hahu Sa`e. maibe ba dada`un ne`e Governu da IX hau esfórsu hodi normalija hikas , maibe sei iha prosesu Negosiasaun.’’ Deklara Diretór Servisu Munisípal Gestaun Merkadu no Turismu Munisípiu Lautém Domingus Sequeira ba Jornalista RCL iha nia Knár fatin Segunda 04/09/2023.
Entretantu;IX Governu Konstitusional , kontinua halo Negosiasaun ho Nasaun Importador Fós ,hanesan Nasaun Tháiandia , India no Vietnam , tamba Nasaun Importador sira iha Komitmentu atu ajuda Nasaun Timor Leste hodi Normalija Folin Fós , no ba dada`un ne`e Nasaun Importador sira hahu Importa hikas mai iha dalan hodi Fornese ba Nasaun ida ne`e , Hakarak Informa mos katak Folin Fos Iha Merkadu no Loja iha Munisipiu Lautem husi $14.00 ba kilograma 25 kg Sae ba $19.50 .
Jornalista ; SdC
Editór ; NP
