Sunday, July 21, 2024
spot_img
HomeFoto GaleriaEDTL-EP Lautém Husu ba Kliente sira atu bele Uja Energia Eletrísidade tuir...

EDTL-EP Lautém Husu ba Kliente sira atu bele Uja Energia Eletrísidade tuir Nesesidade no Respónsabilidade

Lospalos RCL Vox Populy 14/09/2023 = Eletrísidade Timor Leste – Empréza Públika (EDTL-EP) Munisípiu Lautém , husu ba Kliente sira iha Munisípiu Lautém , atu bele bele Uja Energia Eletrísidade tuir nesesidade ho Respónsabilidade , nune`e ita hotu hamutuk hodi Poupa  Energia .

Xéfe Unidade EDTL-EP Munisípiu Lautém ba Jornalista RCL iha nia Knár fatin , Quinta féira ne`e hateten , Governu iha Obrigasaun hodi Esfórsu Oferese Naroman Eletrísidade ba Povu tomak , liu-liu ba Munisípiu Lautém , maibe Povu ne`ebe sai Kliente ba Energia Eletrísidade , tengki Utilija tuir Nesesidade , no tau Responsabilidade hodi asegura.

Xéfe Unidade EDTL-EP ne`e mós husu ba Kliente sira iha Aldéia O’omukanu no Soruluá iha Suku Souru ne`ebe hetan ona Naroman Eletrísidade , atu bele Uja Energía tuir Nesesidade , nune`e responsabilija ba Fasilidade ne`ebe Estabelese ona iha Aldeia Rua ne`e , nune`e bele dura to`o tempu naruk.

‘’Bá biban ida ne`e , Núdar Xéfe Unidade Eletrifikasaun Munisípiu Lautém , hakarak apela ba Inan aman Sira ne`ebe sai Kliente ba Energia Eletrísidade iha Munisípiu Lautém , Liu -liu bá Inan Aman sira iha Aldéia O’omukanu no Soruluá ne`ebe hetan ona Naroman husi EDT-EP , atu Uja Energia tuir nesesidade , karik presija bele hamate ou taka , nune`e ita bele hamutuk hodi Poupa Energia , nune`e mós husu ba Komunidade sira iha Aldeia 2 ne`e , atu asegura no tau matan nafatin ba fasilidade EDT-EP nian ne`ebe Estabelese ona iha area refere , liu-liu Ai ring no Tráfo ne`ebe instala ona , atu nune`e bele uja to`o tempu ne`ebe naruk , nune`e mós relata Imediata ba Téknik EDTL-EP wainhira iha problema tékniku balun ne`ebe akontese , tamba tuir lei tékniku sira maki ha Kompetensia Instala no reparasaun no autorija ba tékniku sira atu tesi ai sira ne`ebe besik fiu Eletrisidade nian.’’ Hateten Xéfe Unidade EDTL-EP Munisípiu Lautém ba Jornalista RCL iha nia Knár fatin , Quinta 14/09/2023.

Entretantu;Governu Esfórsu ona hodi korespónde Problema Eletrisídade ne`ebe Povu sira infrénta , maibe Povu tengki Responsabilija ba Utilijasaun Energia , hodi bele Kontribui mós osan ba Estadu , nune`e , bele Nakfilak ba Naroman hodi ema hotu bele Utilija.

 

 

Jornalista ; Linda

Editór ; NP

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x