Lospalos RCL Vox Populy 14/09/2023 = Xéfe Unidade Eletrísidade de Timor Leste Empréza Públika (EDTL-EP) Munisípiu Lautém infórma , Tempu besik Autóridade EDTL-EP sei Ofisialija Utilijasaun Eletrisidade ba Aldéia Soru Lu‘a no O`o Mukanu Suku Souro Postu Administrátivu Lospalos , Munisípiu Lautém , tamba Projétu Eletrifikasaun ne`ebe Konstrui husi Kompañia Diroma Unipessoal Lda ne`e , atinji ona Provijoriamente Porsentu Sia nolu ona.
Ba Jornalista RCL iha nia Knár fatin , Xéfe Unidade EDTL-EP Munisípiu Lautém ne`e Sikito dos Santos infórma , Projétu ida ne`e hanaran Programa Eletrifikasaun Nasional (PEN) ne`ebe Implementa husi Kompañia Diroma Unipessoal Lda iha Fulan Tolu liu ba , no konsege Atinji Provijoriamente Porsentu Sia nolu (%90).
Xéfe Unidade EDTL ne`e mós infórma , dada`un ne`e Kompañia Finalija ona servisu Instalasaun ba Uma hotu iha Aldeia Soru-Luá no O`omukanu Suku Souru , no ba dada`un ne`e Komunidade sira Utilija ona nia Naroman , maibe sida`uk Ofisialija.
‘’ Projétu ida ne`e hanaran Programa Eletrifikasaun Nasional (PEN) ne`ebe Implementa husi Kompañia Diroma Unipessoal Lda iha Fulan Tolu liu ba , no konsege Atinji Provijoriamente %90 , ita bele hateten Atijimentu ida ne`e , tamba hahu husi Prosesu inisiu to`o monta ona transfórmadór 2 ne`ebe sei oferese Energia Eletrisidade ba Kliente sira iha Aldeia 2 ne`e , no prosesu Instalasaun ba Uma kain ida – idak iha Aldeia 2 ne`e remata ona , total Uma kain ne`ebe hetan ona instalasaun Eletrisidade iha Aldeia Soru Luá hamutuk 47 , no Iha O`omukanu hamutuk 92 nune`e total Uma kain iha Aldeia 2 ne`e hamutuk 139 mak dada`un ne`e asesu ona naroman Eletrisidade , no iha tempu badak Autoridade EDTL-EP sei ofisialija Projétu ne`e , hodi entrega ba Komunidade sira hodi utilija ho Responsabilidade.’’ Xéfe Unidade Eletrísidade de Timor Leste Empréza Públika (EDTL-EP) Munisípiu Lautém Sikito dos Santos ba Jornalista RCL iha nia Knár fatin Quinta 14/09/2023.
Entrétantu; Parte EDTL-EP sei Oferese Energia Eletrisidade ho Gratuita , to`o Fulan Ne`en nia laran , no liu ida ne`e EDTL-EP sei hala`o Sosialijasaun ba Prosesu Monta Kontadór Prépagu nune`e Kliente sira iha Aldeia Rua ne`e bele Selu hikas liu husi Sosa Prépagu Eletrisidade nian.
Jornalista ; Ano
Editor ; NP
