Lospalos RCL Vox Populy 18/09/2023 = Dada`un ne`e Asosiasaun Feto Lautém (AFEL) iha Munisípiu Lautém , kontinua Motíva no Enkoráza Feto Sira iha Munisípiu Lautém , atu bele Kompéte iha Elisaun Suku , tamba Feto mós iha Direitu atu Lidéra no Foti desijaun , iha nivél Suku no Aldéia.
Prézidente Asosiasaun Feto Lautém (AFEL) Munisípiu Lautém Maria Ligía de Fatíma , ba Jornalista RCL iha nia servisu fatin Segunda ne`e deklara , atu Lidera Komunidade sira iha Nivél Suku no Aldeia , La`os ba Mane de`it , maibe Feto Mós bele , ne`e duni AFEL iha Papél Importante , atu Ekoráza no Motiva liu husi Programa Empoderamentu Feto ba Politika no Ekonomia .
‘’Ami (AFEL) Munisípiu Lautém kontinua Suporta ami nia Maluk Feto sira , atu Bráni hodi Kandidata Án iha prosesu Kandidatura Xéfe no Konselu Suku , nune`e bele Lidéra , wainhira hetan fiar liu husi Elisaun Suku , Hau Nudar Presidente Assosiasaun Feto Munisipiu Lautem ,iha papel importante motiva no Enkoráza feto maluk sira atu hola parte Kandidatura ba Lideransa Komunitária nian , liu husi Elisaun Suku, atu Lidera Komunidade sira iha Nivél Suku no Aldeia , La`os ba Mane de`it , maibe Feto Mós bele , ne`e duni AFEL iha Papél Importante , atu Ekoráza no Motiva liu husi Programa Empoderamentu Feto ba Politika no Ekonomia .’’ Deklara Prézidente Assosiasaun Lautém Maria Ligia De Fatima nebe jornalista RCL hasoru iha Nia Servisu Fatin Segunda (18-09-2023)
Iha Sorin seluk Comunidade Suco Home Posto Administrativo Lospalos Munisipiu Lautem Marta Dos Santos hateten , nia parte orgúillu Elisaun Lideránsa Kominitáriu ne`ebe sei mai , tamba Maluk feto baluk mós bele hola parte hodi Kompete ho Mane sira iha Elisaun Suku .
‘’Hau Kontente no orgúillu tebes , tamba Feto Maluk Sira Iha Munisípiu Lautém bele kandidata sira nia Án ba iha Elisaun Lideransa Komunitáriu nian Tinan ida ne’e , hodi Lidéra no foti Desijaun kona ba Dezenvolvimento iha Suku no Aldeia , nune`e mós no bele Lidéra povo sira iha ida-ida nia suku no bele halo mudansa diak ba iha futuru oin mai , feto mos bele laos mane deit mak sai lideransa hodi Lidéra nia nia povo sira.’’ Hateten Marta dos Santos.
Entertanto; Ema hotu tengki fó Oportunidade ba Maluk Feto sira , atu bele lidera ,ne`eduni presija mós fó Votu konfiansa ba Feto sira atu bele Lidéra Povu iha nivel Suku no Aldeia , tamba Feto Forte Nasaun Forte .
Jornalista ; SISI
EDITOR ; NP
