Lospalos RCL VP 10/10/2023 = Tempu badak , Servisu Munisípal Agrikultura liu husi Departamentu Agrikultura , Hortikultura Estensaun Munisípiu Lautém , sei Distribui Fini Batár ho Variedade Çele , ba Agrikultor sira atu kuda ,Tamba Hetan ona Distribuisaun Fini husi Ministèriu Agrikultura Pecuária Peskas no Florésta (MAPPF) liu husi Dirasaun Nasional hamutuk Tonelada Hitu (7ton) .
Xéfe Departamentu Agrikultura , Hortikultura Estensaun (DAHE) Munisípiu Lautém Manuel Madeira Xáviu ba Jornalista RCL Deklara , Distribuisaun Fini ne`e hanesan Politika Ministériu nian ne`ebe Fiksu , kada tinan sempre Implementa Politika ida ne`e hodi Distribui ba Agrikultor sira hodi kuda , nune`e ba Tinan ida ne`e Dirasaun Nasional Distribuisaun Fini husi Dirasaun Nasional hamutuk Tonelada Hitu (7).
Xéfe DAHE ne`e mós Deklara , Fini Batar oras ne`e Prontu ona iha Servisu Munisípal Agrikultura (SMA) Munisípiu Lautém , Ofisial Fini Munisípiu nian halo Kontajén Estimasaun ba kada Postu ida-idak , no Tempu badak sei Distribui ba Postu Administrativu sira iha Munisípiu Lautém bazéia ba Luan Aréa Produtividade.
‘’Distribuisaun Fini ba Agrikultor sira iha Nasaun Timor Leste ne`e , hanésan Politika Ministériu nian ne`ebe Fiksú ona , nune`e Dirasaun Nasional hahu Distribui Mai ita nia Munisípiu Fini ho Variedade Çele hamutuk Tonelada 7 , oras ne`e Prontu ona iha Servisu Munisípal Agrikultura (SMA) Munisípiu Lautém , parte Ofisial Fini Munisípiu nian, halo Kontajén Estimasaun ba kada Postu ida-idak , no Tempu badak sei Distribui ba Agikultór sira iha Postu Administrativu sira iha Munisípiu Lautém , bazéia ba Luan Aréa Produtividade , hodi sira bele kuda iha To`os ne`ebe Prontu ona.’’ Deklara Xéfe DAHE Munisípiu Lautém Manuel Madeira Xáviu ba Jornalista RCL iha nia Knár fatin Tersa 10/10/2023.
Nia mós Konfésa , Parte Agrikultura sei husu apoia Transporte , atu bele Transporta Fini sira ne`e ba Postu Administrativu sira , tamba dada`un ne`e Dirasaun ne`e infrénta hela problema Transporte , nune`e Fini hirak ne`e bele to`o iha Agrikultor sira nia liman antes Udan Monu rai .
‘’Ami Koalia ona Mekanismu Distribuisaun hamutuk ho Diretór , tamba Ami agora Infrénta Problema Transporte , ne`eduni Ami sei husu Apoiu Administrasaun Munisípiu Liu husi Karta Pedidu ne`ebe hau Envía ba Administrador Munisípiu atu hara`ik Orden ba Servisu Patrimóniu no Logistika Munisípiu atu apoia Transporte hodi bele transpórta Fini sira ne`e to`o iha Agrikultór sira iha Postu Administrativu sira , ida ne`e mak Mekanismu Ida , Mekanismu seluk mós ami husu ba Administrador Postu Sira , atu bele fasilita sira nia Kareta hodi bele transporta ba Kada Postu sira ne`ebe sira haknár ba , nune`e Fini hirak ne`e bele to`o iha Agrikultor sira nia liman antes Udan Monu rai.’’ Nia Konfésa.
Entretantu;Fini Batár ne`ebe Distribui Mai iha Munisípiu Lautém ho Variedade Çele de`it , Laiha Variedade seluk , tamba Preparasaun Fini ho Variedade Noi Mutin , Tinan kotuk ho Volume oituan deit, maibe espera ida ne`e bele ajuda ona Agrikultor sira atu bele Kuda iha Sira nia to`os ne`ebe Prontu ona.
Jornalista ; SdC
Editor ; NP
